تسلم ايدج يا أم عزيزان فعلا انتى فنانة

تسلم ايدينك

ويعطيك العافية

مع التحية

تنيل

اسسسسسسسسسسسسسفه ما انتبهت لك عزيزتي

ياريت تشرحيلي اشلون تعملي كبة البطاطس بالتفصيل وبالصوره لاني شفة الصوره والمقادير مش فاهمه شو ع ملتي فيها وكم مره خلطيها ومدة سلقها ولازم بالمفرمه ولا الخلاط الكربائي لانوا ماعندي المفرمه وايش تحطين غير الرز وهل يكون متماسك ولا يلصق في الايد يعني فصلي شويه وياريت بالصوره لا ني دايما افشل فيها

راح اشرحها لك بالتفصيل وطريقتها سهله

تاخذين 2 بطاطه كبيره وتحطينهم بالماء بعد ما تغسلينهم طبعا

وخليها تطبخ لما تستوي بس لا تستوي كثير يعني لا تصير لينه وايد

وتاخذين كاس الرز تغسلينه ولما يغلي الماء تكبينه فيه وتخلينه يطبخ لما يستوي نص استواء

الحين تقطعين البطاطه مع الرز وتحطينهم في المشخله حتى ينزل كل الماء اللي فيها وتنشف اشوي وتبرد

الحين نحضر الفرامه الكهربائيه وانا حطيتها على الحلقه الوسط وتفرمين الرز مع البطاط

الحين تتبلين العجينه بالملح وتحطين اشوي كركم عشان تكسب لون اصفر ولا تكثرين منه

العجينه راح تطلع متماسكه وما تلصق باليد

وطبعا تكوني محضره الحشو وصاير بارد

وتحطين عندك طاسه فيها ماء مثلج

تاخذين من العجينه كوره بحجم الجوز وتكورينها بايديك

وبعدين تقورين فيها يعني تعملي فيها حفره وتحطي الحشوه فيها وتسكريها

اهني تشكلينها مثل ما تبين اما اقراص او تكون مدببه من الطرفين او من طرف واحد او مكوره حسب ما تبييييييييييين

ولما تسوين حبتين جربيهم بالزيت وشوفي نتيجتهم قبل لا تكملين كل المقدار

وان شاء الله تضبط معاج

وان شاء الله يكون شرحي واضح لك

ويا هلا فيج والسموحه ان مارديت عليج بوقتها

:39:

ونسيت اقولج عن الزيت

الزيت لازم يكون غزير وحامي وتحطين 4 حبات بس بالمره الوحده وانتي تقلين

وكل مره حطي اربع حبات

عشان ما تتفتت عندك وتاخذ راحتها بالزيت :)

الله يعطيك العافيه