اشكي همي وهمي شكا لي

اولا ارجوكم اسمعوني وافهموني وارجو منكم الحل لاني وصلت لمرحله كرهت نفسي وكرهت اهلي وكل من حولي انا راح ادخل بالموضوع وارجوكم لا تطنشوني انا متزوجه ولي بنت وولد لي اربع سنوات وعايشه مع زوجي في الرياض واهلي بالكويت من زواجي الى الحين وانا صارت لي نفسيه بس تعبانه وذبلانه واحس الهم يقتلني الى الان وانا ما اقدر اتقبل الوضع مع ان زوجي مو مقصر يوديني ويجيبلي كل الي ابي بس والله حاولت كثير لكن دون فايده كل يوم اسوا اكثر الحين والله ان الدمعه تفر من عيني بكل وقت واهل زوجي ما قصرو مع المشاكل حتى زوجي كره الجيه عندهم وصرنا حيل رسمين معاهم والحين والله يابنات اني اول كنت مرحه مره واحب اكون اجتماعيه وكنت دايم اهاوش خواتي المتزوجات وانصحهم بالتجدد وانهم ما يقصرون مع ازواجهم والحين كل ما شافوني قالولي كانك بالاربعين والله ان حتى الحياه مالها طعم احس الهوا الي اتنفسه يخنقني والشكوا لله المشكله ان زوجي يقولي ممكن ننقل مكان قريب من اهلك اما الحفر او الشرقيه بس المساله مساله وقت لانه عنده دراسه وانا مدري اصدقه ولا لا لانه يقول ارتاح هناك والحين هو مره متضايق مني بس والله يا بنات اني مرات وانا احاول امزح معاه او اسوي نفسي مرتاحه ان الدمعه تفر من عيني ويقولي انتي تجامليني ولما يسالني اقول بطني يعورني بس والله انجنيت والله الذي لا اله غيره اني قررت اراجع دكتوره نفسيه وقلت لزوجي براجع وقال ما يخالف لكن خايف وش السواه بنات لا تضحكون علي عندي حاله من الياس ومرات ودي اموت وارتاح وش اسوي :(:(هذي يا بنات مشكله كتبتها صديقه لي وتريد الحل منكم وانا مدري وش اسوي وتبي منكم الحل هي كتبتها بورقه وقالت اسجلها ع الجهاز بها المنتدى:(:(