اشك ان وضعي ماهو طبيعي 😢😭😭

صباح الخيرات 🍃💕 نزلت موضوعي وطار باعيده
بادخل بموضوعي على طول انا سبق ونزلت موضوع اني تطلقت من مدمن والحمدلله ماندمت ابداً لان كان معاي الحق والحمدلله ماحس بمضايقات من طلاقي وعايشه حياتي زي قبل الطلاق ماشالله اروح واجي مع قرايبي
بس مشكلتي هذي من زمان من يوم ماتخرجت من الجامعه وانا ماحب اجلس لحالي ابدا ً ابداً
يعني تجيني ضيقه واكتئاب اقرب شي امس جلست لحالي والله يابنات مابالغ لو اقولكم جتني ضيقه يعني يوم جلست لحالي قعدت اقول بيني وبين نفسي شوفي كل اللي حولك تزوجوا وانتي بتقعدين كذا يعني مع اني والله ذقت العذاب من طليقي وماني شفقانه ع الزواج الا عشان الامومه
مشكلتي الفراغ احس نفسي ماني طبيعيه ماحب الوحده ابدا مع اني اشوف كثير عادي يقعدون لحالهم
وش تنصحوني فيه الله يعلم ان بداخلي ضيقه من غير سبب اذ جلست لحالي وازيدكم انا اذ جلست لحالي احب احزن نفسي اتخيل امي تتوفى واحزن وابكي او اتذكر اي شخص غالي يموت واحزن وضعي جدا متعب