السلام عليكم
اشلونكم بنات؟
معاكم اختكم سارونه من الكويت
بنات انا خالتي توفت (اهي اساسا بنت خالت امي و اختها بالرضاعة)
توفت الاسبوع اللي طاف و بصراحه صدمه لنا كلنا لانها مو وايد كبيرة عمرها 50 و ما تشتكي من شي بس قبل وفاتها بيومين الله يرحمها كانت تحس بعوار في بطنها و كانت تطالعنا بنظرات غريبه جنها حاسه انها بتفارقنا قاعده تودعنا... انا ما فهمت نظراتها الا بعد وفاتها لاني ما كنت متوقعه
الحين يا بنات امي و خالتي الثانية وايد حزنانين و ابد نفسيتهم مو مثل اول.. الاكل ما يشتهونه انا اقعد على راسهم احن عليهم واترجاهم ياكلون .. كل اللي يقدرون ياكلونه لقمه و حده او لقمتين
مع انهم مؤمنات بالقضاء و القدر و متوكلين على الله بس احس صاير فيهم كآبه قوية لدرجة امي بس نايمه طول اليوم تقوم تتوضأ و تصلي و ترجع تنام ..احاول اقعدها و ابيها تقعد معانا بس تقعد و اهي ساكنه ما تشاركنا الكلام
و خالتي نزورها و نقعد معاها بس احس انها بعالم ثاني وحاطه ايدها على خدها
بنات اللي يخليكم انا احس اني تعبت معاهم ودي اسوي شي لهم بس ماني عارفه
يعني امس اقول لامي تعالي على الاقل قعدي معانا نشوف التلفزيون بس تقول ان شا الله علشان تسكتني و تطنش.. اقول لها امشي نزور مرت خالي عندها حريم متيمعين تقول لا..انزين امشي نروح عالبحر همن مو راضيه
انزين بنات انا سمعت عن التلبينة عبارة عن شعير مطحون انها توخر الكآبة و هالشي رود عن النبي صلي الله عليه و سلم
بس اشلون اسويها في البيت؟ اللي تعرف طريقتها تقول لي
و تكفون اللي عندها طريقة ثانية اسويها لامي و خالتي علشان اطلعهم اشوي اشوي من الجو اللي اهم فيه لا تبخلون علي تكفون
و تكفون ادعوا لخالتي بالرحمه و المغفرة يا حبايبي انتوا كلكم
SAROOONA @sarooona
عضوة مميزة
يلزم عليك تسجيل الدخول أولًا لكتابة تعليق.
زهرة البلدان
•
الله يرحمها ويغفر لها ويصبركم
الله يرحم خالتك و يغفر لها و جميع موتى المسلمين يارب
انصحك انك تجلسي معاهم و تقولي لهم انو اللي تعملوه في انفسكم ما يجوز لان لبدنك عليك حق
و هذا الطريق كلنا راح نمشي فيه
يعني حالكم هذا ما راح يرجعها و لا يفيدها ماراح يفيدها الا الدعاء و الصدقة هذي الاشياء اللي تحتاجها
و قولي لهم محد في الدنيا تعرض لمصايب مثل الرسول عليه الصلاة و السلام
فقد امو و ابوه و زوجتو و اولاده و اعمامو و جدو و مع ذلك كان من الصابرين
و ذكريهم باجر الصابرين و انو الله اذا احب عبد ابتلاه عشان يشوف هل هو من الصابرين و الا لا
و الله يعينهم ان شاء الله
و اذا ما سمعوا منك الكلام خلي احد كبير يكلمهم او شغلي لهم محاضرة تتكلم عن هذا الشي
انصحك انك تجلسي معاهم و تقولي لهم انو اللي تعملوه في انفسكم ما يجوز لان لبدنك عليك حق
و هذا الطريق كلنا راح نمشي فيه
يعني حالكم هذا ما راح يرجعها و لا يفيدها ماراح يفيدها الا الدعاء و الصدقة هذي الاشياء اللي تحتاجها
و قولي لهم محد في الدنيا تعرض لمصايب مثل الرسول عليه الصلاة و السلام
فقد امو و ابوه و زوجتو و اولاده و اعمامو و جدو و مع ذلك كان من الصابرين
و ذكريهم باجر الصابرين و انو الله اذا احب عبد ابتلاه عشان يشوف هل هو من الصابرين و الا لا
و الله يعينهم ان شاء الله
و اذا ما سمعوا منك الكلام خلي احد كبير يكلمهم او شغلي لهم محاضرة تتكلم عن هذا الشي
الصفحة الأخيرة