اشلون تتصرفين مع الخادمه اذا !!

شوفي عزيزتي أول شيء يجب ان نتقي الله فهن ...
ونعلمهن أمور الدين ..
بعدين تحددين لها أولويات الأامور ...
مكانها ومواعيد النوم ..وكذالك أغراضها الشخصيه
المطبخ وكيفية العمل فيه ...
كيفية التنظيف والترتيب ..
أوقات العمل ...
الشغل اليومي .. والأسبوعي
أماكن تواجدها في البيت في حالة وجود زوجك..


اثناء خروج من البيت ماذا تفعل ..
طبعا كل هذا يتم في خطوات ..

هذا من خبرتي الشخصيه ..
لأني من خمس سنوات ,انا أتعامل معهن بهذه الطريقه...وانا مرتاحه..
لكن هذا يتماشى مع الخادمه الجديده التي لم تأتي مطلقاً...

الله يوفقك

.

هلا أختي مثل ما قالت اختي اللي قبلي لازم نتقي الله فيهم وبعدين اذا لبست شي مو حشمة قدام عيالي اقولها غيري ولا تلبسينه مره ثانية بالنسبة لشعرها انا دايم احبها تلفه وترفعة ما اخليها تفكه ابدا بالنسبة لاكلها نعطيها من اكلنا عادي يعني مثل باقي افراد البيت طبعا لها حمام خارجي بالحوش هذا بالنسبة لها شخصيا ام البيت لا اعلمها الشغل بالترتيب من داخل البيت حتي خارجه وانبها علي بعض النقط المهمة طبعا اكون فوق راسها لمدة معينة وبعدين كل اسوي عليها كبسات " شكلي متأثرة بفليم بوليسى " ههههههههه

طبعا اسلوبي حلو معها فيه شدة وفيه رخاء لكن اذا لقيت غلطة عندها بالشغل ما اضحك معها واتم ما احكي معها الا رسمي وانبها بشدة

هذا كل اللي اذكره واذا تبين مساعدة من عيوني

ورده العمر

فديتج ياعمري انتي ردج حلو بس ابي تفصيل اشلون اعلمها الشغل المتكامل مابي اغفل عن شي خوفي تشغلني بدالها باجر خخخخخ

مضيعه وعرموشه

شكلج شاطره وراعية بيت والله لا مضيعه ولا شي انا اللي مضيعه لووووول

اي والله ابي مساعده اختج غشيمه بهالسوالف وايد فوق ماتتصورين

ابي تذكرين الموضوع بنقاط وتشرحينها لو ماعندج مانع وعشان ما اصعبها عليج

اشرحي جدولج معاها

واشلون تعاملتي معاها وباي طريقه واي اسلوب ! ولو ماكانت تفهم معاج عدل والانجليزي هم تكسر فيه شنو الحل ؟

ابي اجابات كافيه بخصوص الخدم من البنات

بخصوص لبسها شعرها ووو نظافتها

لازم اخليها تلبس دس على ايدها والا اشرايكم ؟

مو احسن وانظف

وترى هم انا بشتغل معاها مو احسن ؟

على اساس ان بيتي مايصير انام واخلي كل شي عليها تنتحر بعدين لوول

يالله بنات ساعدوني عفيه خصوصا المتزوجات الشطاار:)

هلا يا عمري من عيوني بالنسبة للشطارة لا والله يا أختي بس الله معي دايمخلينا نروح نبتدي من الاول " شكلي مدرسة وانتي الطالبه " ههههههههههههههه

علي فكرة اختي هذي كلها مو افكاري انا استفدت كثيرمن المنتدي

بصراحه انا اجيبهم دايم مشتغلين بالسعودية يعني عندهم فكرة ونظام السعودية شديد نوعا ما بصراحه الله يجزاهم خير " لكن انتبهي مو كل اللي يجون من السعودية ممتازات "
المهم من اول يوم تجي اخليها ترتاح علشان تعرفين الطيارة ودوخت السفر ثاني يوم اجيب صندوق حق ادوات التنظيف انا مسويته حاطه فيه منظف الزجاج - كلوركس حق الملابس الملونه - بروش " اللي ينظف الشعر من السجاد - طبعا فوط 0000 الخ مع المساحه
ادخلها غرفت بنتي واعلمها شلون تنظفها وشلون ترفع الموكيت وتنظف تحته وشلون تلمع المنظرة اوكي نروح للصاله نفس الشي اروح لغرفة الملابس اعلمها هذا كبت فلان وفلان وفلانه ويعني " لان انا حاطه كل الملابس في غرفة وحده " بعدين غرفة الاولاد وبعدين الممر والحوش والحمام وطريقة غسيلهم وبعدين اعلمها أي يوم تغسل ملابس " السبت والثلاثاء " باستثناء ملابس المدرسة كل يوم تكون جذي خلصة كل الشغل اوكي تروح المطبخ تكون مطلعة دجاجة من الثلاجة تقوم بتقصيصها وتنظيفها وتتبيلها مثل ما انا اعلمها
انا علي الطباخ لان بصراحه تحسين اكلج غير المهم بعد ما اخلص طبخ اعلمها شلون تصب الاكل اوكي وتحطة لنا وتحط لنفسها المهم بعد الغداء تشيل الصحون وتنظف المطبخ وتبخر البيت اوكي تروح تغسل الملابس المدرسة وتنظف مثل اي اشياء يقطونها عيالي بعد صلاة المغرب اقوم انا علشان اسوي عشاء وتساعدني اذا ابي شي بس ما تطبخ ني وبعد العشاء تغسل المطبخ وتروح غرفة الملابس لتكوي الملابس المدرسة وغيرهم وتنظف البيت قبل النوم وتروح تنام وثاني تقوم الساعة 6 ايام المدرسة باقي الايام اللي ما فيها مدرسة ممكن تتاخر في النوم اختي غرفتي انا ما ذكرتها لان بنتي تنظفها لو هي نظفتها اكون انا معها

أختي اذا تبين نصيحتي دايم خليها بالبيت لا تودينها برة والله الخدم ما يخربهم الا كثرة الطلعات يعني تجي خدامة اختج مثل تخربها خدامة جارتج تخربها هذي مشكلة الخدم
بالنسبة للملابس لا انا اشتري النيو فورم يعني لبس موحد للخدم ام بالنسبة للكلام لا انا اكلمها انجليزي مع عربي بخصوص شعرها خليها دايم تلبس ربطه للشعر علشان ما يطير عليكم هههههههههه

اي سؤال من عيوني

ياليت تقولى ساعه كم تنام وساعه كم تقوم