الله يعينا على الصيام والقيام ويتقبل منا

ان شاء الله رمضان السنه هذي غير باذن الله ,والله ماهميت لاطبخ ولا فرزنه ولاشي كل الا هامته وافكر فيه ان الله يقويني انا وعيالي وزوجي عالعباده وخاصة انه شهر غير عن كل الشهور وكل شي يهون ونصيحه يابنات لايكون شغلكم الشاغل الطبخ هو اكيد شي لابد منه وحوسه وخاصة الا عندها اطفال صغار بس هونيها تهون واستغلو شهر رمضان للعباده مادري يجي ثاني واحنا احياء اولا لاتنسو ان احنا في اخر الزمن ,دعواتكم لي ولاولادي وزوجي ويارب يبلغنا رمضان واحنا في احسن حال

مشكوره حبيبتي عالموضوع وحبيت اقول للبنات اللي علقوا عالصلاه
الاخت تفاحه سمويه كتبت الموضوع وهي تشرح شرح عام مو بالتفصيل يعني لو سقط سهوا من الكلام موو معناتها انها ماتحافظ على صلاتها او صلاة التراويح بالعكس كلامها عجبني وموضوعها عاجبني اكثر والحمدلله كلنا نصلي ونصوم ونقرا قران


انا عني اصحى الظهر اصلي وان شاء الله احاول اختم القران لو مرتين لاني راح اقراء قبل الفرض صفحتين وكذلك بعد الفرض

واروح للمطبخ اعبي اشياء الفطور ومنيو الاكلات وارتب الصحون والملاعق والحمدلله عندي شغاله وراح تساعدني واسوي الحلا البارد

واحب اتابع برامج الطبخ منال العالم وغيرها وعالساعه 3 ابداء اسوي شوربه والسلطه واصلي العصر وارجع للطبخ واسوي قهوتي

واطلع من مطبخي الساعه5 العصر وافتح باب البيت واجلس اقرا قران لحد الاذان والحمدلله اذاعة القران شغاله على طووول
طبعا قبل الاذان بربع ساعه اخذ صحن قهوتي والتمره والحلى للصاله ونفطر وانا احب اتفرج عالحرم يجنن المدفع يوم يضرب وصوت الاذان يااي روعه اصوات الاذان والقران
وبعد الصلاه افرد سفرتي الثانيه ونفطر ونتجهز بعدها لصلاة التراويح اصلي واخلص وعالساعه 10 اروح لاهلي ونسهر وزوجي يروح لاهله وعالساعه 2 ارجع بيتي ونتسحر اي شي خفيف واستنى الفجر صلاة ونوووم


وارجع اكرر شكري ياتفاحه سماويه عالموضوع الرااائع ...