اشلون ياخذ حقه الطفل ؟؟؟؟

والله سؤالك مهم ويهمني جدا أيضا وياريت أصحاب الخبرة في التربية واللي عندها تجارب من هالنوع يفيدونا

بنااااات وين ردودكم ؟؟؟

وينكم يا بنات الموضووع في غاية الاهميه

أهلين عيوني ..

بصراحة كنت مقهورة من بنتي وعمرها سنتين وثلاث شهور لأنها هااااادية ومسااااالمة مرررة مع الاطفال وتعتبرهم زيها بالضبط , والأحوال عادية مع الي مثلها بالطبع لكن المشكلة والقهر لما يقابها طفل عدواني يضربها عيني عينك وهي جاية تلعب معاه أو تعطيه كاكاو !!!
هنا بصراحة انقهر وما بايدي شي اسويه وهي مستسلمة وتبكي : ماما ,,, ماما !!!!

حاولت أكلمها لانها تفهم الكلام : إذا ضربك فلان وش تسوين ؟؟ ترد : اسوي كذا ( كأنها تضربه بالاشارة ) .. أفرح واشجعها واقول : ايوه .. يا سلام ..

جربت امثل معها بدمية الدبدوب .. ويكون المشهد بالتطبيق يا سلام ...

لكن بالواقع تكونت عندها نزعة خوف من الطفل الي يضرب , وتكونت عنده نزعة إقدام وجرأة لأنه شافها تخاف منه وتصيح !!!! رغم انه اصغر منها في العمر !!!!!!!

أخيرا لقيت نقطة ضعف بنتي وعالجتها من خلالها ..
بنتي ما تبي أحد يأخذ أي شي لي وخاصة الشنطة اليدوية .. فمرة كان ولد اخوي الي بالعادة يضربها عندي فرحت حطيت شنطتي قريب منه وتعرفون فضول الأطفال على طول شال الشنطة .. رحت أنا مستغلة الفرصة ومنادية بنتي بس بكلمة : شنطة ماما !!!

هي ما تحملت وهجمت هجمة جريئة غير متوقعة منها أبدا تبي تاخذ الشنطة منه .. سحبتها وهو يسحب .. وكل واحد متعلق بالشنطة من جهة .. فكرت تصيح وهي تناظرني تبيني أساعدها فعلى طول أنا الي استنجدت فيها وعطيتها الثقة : يا سلام حلا ( حلا اسم بنتي ) الحين بتجيب شنطة ماما يا سلام بعد .. بعد ..
هجمت على الولد وضربته وأخذت الشنطة وجت لي بنشوة انتصار ..

ومن حينها زالت عقدة الخوف منها .. وزالت بعد نزعة الجرأة من نفس ولد اخوي الي تكونت عنده بعد ما شافها تخاف .. وصار يخاف منها ..

هذي خلاصة تجربتي ,, وآسفة على الإطالة والتفاصيل المملة ..

تحياتي..

مشكورة إبداع على الرد ...

وننتظر باقي الردود