اشنه وكل البنات اتفضلوا شرح حذاء البيبى

السلام عليكم ورحمه الله زوبركاته











هنا رابط الفيديو لشرح الحذاء ده

وانا كنت ناويه اعمله ورشه بالتفصيل وصورت الخطوات بس البلوتوث عندى عطل ومعرفتش ابعت الصور سامحينى

هنا الرابط وهو مقسم الى 3 مقاطع فيديو

وبعدها حشرح الخطوات كتابيا


http://www.aprendendocroche.com/receitas-de-croche/video-aula.asp?func=display&resid=834&tree=15



بسم الله الرحمن الرحيم بدأ الشرح

1-السطر الاول بتدأى بعدد من السلاسل بحيث يكون طولها فى نهايه الشغل هو طول رجل البيبى بعد عمل

دورين كمان من العواميد







يعنى مثلا لو طول رجل النونو 9 سم يبقى تشتغلىسلسله طولها 7سم وتكملى كمان سطرين عواميد عشان يديكى ال9 سم




2- السطر الثانى بتطلعى 3 سلسله بمثابه اول عمود وتكملى فوق كل سلسله عمود

حتى تصلى الى اخر سلسله وتشتغلى فيها 7 عواميد وتكملى من الناحيه الثانيه عمواميد لغايه الاخر وبتيجى فى اخر سلسله بردو وتزودى 7 عواميد عشان يبدأ يشكل الشكل البيضاوى







3- السطر الثالث نرتفع 3 سلاسل ونكمل فوق كل عمود عمود ولما نصل عند ال7 عواميد من السطر السابق نشتغل فوق كل عمود عمودين (المجموع14 عمود عند الزياده)

ونكمل الى الاخر عواميد







4- نرتفع 3 سلسله وناخد كل عمود ونشتغله عواميد خلفيه لنبدأ تشكيل ارتفاع الحذاء






5- السطر الخامس نرتفع 3 سلسله ونشتغل عمود امامى -عمود خلفى -عمود امامى - عمود خلفى وهكذا الى اخر السطر





6- السطر السادس هو نفسه السطر الخامس بنكرره عمود امامى -عمود خلفى




7-السطر السابع هو سطر التنقيص لعمل وجه الحذاء
فى السطر السابع نشتغل غرز منزلقه حتى نصل الى وجه الحذاء (ملحوظه انتى المفروض بتقسمى الحذاء الى ثلاث اثلاث يعنى ثلث للوجه وثلث بتعملى عند بدايته الرباط او ابزيم الحذاء والثلث المتبقى هو للرجل بعد الرباط)




يبقى حنشتغل غرز منزلقه الى مكان ما حنعمل وجه الحذاء

ونرتفع 3 سلسله وناخد العواميد الخلفيه نشتغلها بردو عواميد خلفيه




8- السطر الثامن نشتغل كل عمود للخلف ولكن عواميد غير كامله وحيتجمع عندنا كل الحلقات عالابره ونطلع منهم مره ونعمل غرزه حشو وبعدها نشتغل غرز منزلقه حتى نصل الى المكان اللى حنعمل فيه الرباط

ونعمل 25 سلسله منهم 10 سلسل نقفلهم بمنزلقه ودى بدل العروه

ونشتغل غرز حشو على هذه السلاسل

ونفس الخطوات للفرده التانيه ومننساش نبدل مكان الرباط

وبكده انتهينا من الحذاء وسامحونى عالشرح لو فيه حاجه مش مفهومه

انا جاهزه لاى سؤال