اشهر الكلمات السعوديه المضحكهكلمات عاميه ومعانيها
الدلخ: هذا انسان غبي جدا ويرفع الضعط وينرفز واكثر مايعاني منه المدرسين واهله.............
المنسم: كل مامريت عليه تسمع صوت سسسس وذلك راجع الى تهريب الهواء من رأسه والسبب في ذلك ان في رأسه فتق تلقاه دايم يغطس رأسه في صطل مويه عشان يعرف وين التنسيم؟؟
المهوي: هو مرحله متأخره من التنسيم والمهوي وصل مرحله متاخره بحيث يفقد اهله الرجا منه
الشخر الخر او مشخر: من نفس فصيلة المنسم
السلنتح: قليل الادب
حجلط (بتشديد اللام): هو مرحله متقدمه للسلنتح
مزلب: يعني بايعها بتراب؟؟؟؟؟؟؟؟؟؟؟
مسقح: يعني طاير في العجه ماعنده ماعند جدتي يعني بالعربي الفصيح من جنب العارضه
الصتيمه:وهو الشخص اللي ماعنده ماعند جدتي يصدق اي شئ يقال له
المسبه او المسبوه: هو الشخص اللي يكون مروع في صغره لدرجة انه يصبح فاقد العقل.......
الفاهي: هذا الله يخلف مهما تقوله او تصارخ عليه تلقاه فاتح فمه وبس. واذا كلف على عمره رد عليك وقالك: هاه.......
الحقنه: هو الشخص الغثيث الي مايفكك لين تعطيه اللي يبيه ومهما تسوي له عشان تصرفه من الموضوع حقه ينشب في حلقك لين ياخد اللي يبيه وهذا يفسر قول العرب
اغث من حقنه!!!!!العله: هذا الي انت ماتاخذ منه اي شئ ولا عنده اي استعداد يسمع منك مهما حاولت وهو كالمرض يعلك لين تنفقع مرارتك منه............
العربجي: يظن بعض الناس ان العربجي الشخص الشديد حق المشاكل واللي مايمشي الا وهو مشخص ببنت البكار(اسم لطريقة لبس الشماغ عند العرابجه) وحاط مفاتيحه بسلسله ولابس نعال سجاديه ويسحبها تسحيب لي جا يمشي دايم فاتح صدره على فوق.. وكانك ولد ابوك قله شئ
بس.لكن في الاونه الاخيره ظهرت اشاعات مغرضه تقول بـأن العربجي هو اللي يسوق الحمار(الله يعزكم) لكن صرح مصدر موثوق من عيلة العرابجه بأن هذه اشاعه مغرضه اطلقها عليهم احد الخكاري........
الكحلي: يطلق اسم الكحلي على ذوي البشره السمراء لان ذوي البشره البيضاء مساكين ماعندهم لقب احتجو لدى الامم المتحده مطالبين باللون الفضي؟؟؟؟؟؟؟؟؟؟؟؟
المرجوج: هذا ماعمره صلح لشئ مايمديك تفتح فمك الا طار في العجه بدون مايفهم وش السالفه والارتجاج الحاصل له يختلف تماما عن مشكلة المسبه حيث يكون الارتجاج هنا نتيجة صدمه وليست نتيجة روعه
المطفوق: من فصيلة المرجوج الا انا مايميزه انه اذا مر من عند كاس او جيك او ابريق او اي شئ من سائل لازم يسكبه برجله وهو مايدري ولا تخليه جنبك وهو معه صينيه فيها بيالات لان لازم يلطخها بيده او كتفه ايضا لاتخليه يصب قهوه لضيوفك لانه لازم يكب كوب قهوه على واحد منهم؟؟؟؟؟؟؟؟؟
السربوت: هو اللي مايخلي مكان مايروح له وقد كان الاوليين يطلقون لقب السربوت على من يشرب الدخان ولكن الله يخلف الناس تدخن بيدها ورجلها ومااحد يقولهم شئ
السرمدي: وهو نفس فصيلة السربوت
زعيط: مسوي نفسه يفهم بكل شئ وهو جنب العارضه
الداشر:هذا قليل ادب ولا يحب يماشي الا سرابيت واذا قيل فلان دشر اي خرب اخلاقه لكن في الاردن الشقيقه كلمة دشره تعني اتركه
الملكع:اما هذا فيعرفه السكن(اي الجن) ومقطع السمكه وذيلها ومهما تحاول تلف وتدور معه تراه عارف وفاهم وش تبي بالضبط فلا تتعب نفسك معااااه
المصرقع: هذا اللي مايمه شئ واللي يطري على باله يسويه لانه ماخذ الدعوه سعة صدر واهبال
الخكري ببساطه يساوي:نعومه+ليونه+دلع والله لايبلانا
اللزقه: هذا اللي على طول معك وقدامك ووراك وكل شئ تطلع مع الباب تلقاه تركب في السياره تلقاه يطق القزازه وهكذا..................................
الزنقبي: بتسكين النون وضم القاف) يعني العزوووووووووبي
الصديع : اي كلمه براسه يطلعا ولا يتنبأ بافعاله سواء كانت صح او خطأ
الخبط: هو من فصيلةالدلخ
ههههههههههههههههههههههههه
ملطووووووووووووش لطشه قويـــــــــــــــــــــــــــــــــــــــــــــــ ه
ودمتم سالمين من ذولا الاصناف جميعهم
تحيـــــــــــــــــــــــاتي :اختكن القلم المرح/قلمي صديقي
رهيبه خصوصن العربجيه والخكاريه ياانهم مايطابقون نار وزيت خخخخخخخخخخخخخ
الله يسعدك ويوسع صدرك يارب