على مدىسنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ، بأساليب وجمل ثابته لا تتغير ...
فأصبحنا بمرور الوقت نحفظها جيداونتوقعها ...
" واهالينا يقولوها واحنا نكمل لهم "
هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا
والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك ... وهم يقولون
" شكله ابن ناس ومتربى "
كفاية مقدمات بقى وادخلكم فى الجمل على طووووول
1- مالكش دعوة بالسياسة .. وماتمشيش فى مظاهرات :
وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .
2- مش عاوزه أسمع صوت :
هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .
3- ماتردش عليا :
دى نصيحة لو التزمت بيها ستكسب مديرك فى العمل .
4- تقعد فى أول صف قدام السبورة :
جملة تعودك على أن تكون فى المقدمة دوما .
5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )
6- اللى بيشيل قربة مخرومة بتخر عليه لوحده .
7- ومالها الكتب بتاعت الوزارة .
8- بص كويس وإنت بتعدى الشارع .
9- ماتتأخرش بعد المدرسة وتقعد تصيع مع أصحابك :
دى نصيحة ستحقق لك قدرا من السعادة الزوجية (باعتبار إنك من الشغل للبيت )
10- افرد ظهرك .
11- مافيش مذاكرة على المزيكا ... أو .. بتذاكر إزاى والبتاع ده شغال جنبك .
12- ما تمشيش حافى فى السقعة دى .
13- صليت العصر ..؟! ( إشمعنى العصر ....!!!!!)
14- ربنا يهديك ... ربــنــا يــهــديــك ... أو ... إنك لا تهدى من أحببت .
15- إطفى التليفزيون وقوم ذاكر ... أو ... إطفى التليفزيون وقوم خش أوضتك .
16- إوعى تقول لحد هات لى حاجة .
17- إقفل صدرك .
18- بلاش وقفة فى الشبابيك والبلكونات .
19- كل على مهلك .. وأمضغ كويس .. وماتاكلش وإنت واقف وكل من قدمك متحفش .
20- المسلسل مش هاينفعك ... قوم .
21- كفاية رغى فى التليفون .
22- ماتقعدش قدام المروحة وإنت مستحمى .
23- وإنت فاكر إحنا مستنيين منك حاجة ؟!
24- ماتعليش صوتك .
25- بلاش لعب فى الشارع .
26- يا ابنى اللى ذاكر ذاكر خلاص .. قوم نام .
27- بلاش لعب بالمقص .. بيجيب الفقر .
28- يا ابنى كلم خالتك العيانة .. اسأل عليها .
29- إوعى حد غريب يديلك حاجة تاكلها او تشربها وتاخدها منه .
30- النوم لحد الضهر بيجيب الفقر .
31- إوعى تكدب عليا تانى مرة .
32- لازم تاكل سلطة .
33- لو شوفت خناقة مالكش دعوة بيها .
34- عيب .. لازم تحترم الأكبر منك .
35- كلمنا لما توصل .
36- بلاش أكل بره .
37- لو فلحت ابقى قابلنى .
38- يا ابنى أنت مسطول ولا إيه .
39- إنت فاكرنا نايمين على ودانا .
40- وطى المدعوق ده شوية .
ملطوش طبعا يارب يعجبكم
مليسيا @mlysya
محررة فضية
يلزم عليك تسجيل الدخول أولًا لكتابة تعليق.
وعند إنهاء المكالمه لازم
لاإله إلا الله والثاني محمد رسول الله (عليه الصلاة والسلام)
تسلمين مليسيا
لاإله إلا الله والثاني محمد رسول الله (عليه الصلاة والسلام)
تسلمين مليسيا
ولسه المصرين بيقولنها, وان شاء الله تتردد وتبقى حتى آخر العمر .
كلمات جميلة .,موجودة في كل بيت بالفاظ مختلفة قليلا.
المصرين بدمهم الخفيف ورحهم المرحة وكلامهم اللى ماينشبع منه الله لايحرمنا منهم .
كلمات جميلة .,موجودة في كل بيت بالفاظ مختلفة قليلا.
المصرين بدمهم الخفيف ورحهم المرحة وكلامهم اللى ماينشبع منه الله لايحرمنا منهم .
الصفحة الأخيرة
بس بيني وبينك كلمات ممكن تكون صنعت رجال وامهات مع انه بعض الجمل فيها شوية تشاؤم منهي عنه بس برضه فيها نصائح مفيدة
و جيل الايام دي الله يستر عليه وعلى اجيالهم القادمة لو تعطيهم مية نصيحة ما ينفذوا غير وحدة فيهم على الاكثر
مشكورة على اللطشة الحلوة