اشوفه بعيني وهو يدري..بس....ابي حل..!!

السلام عليكم ورحمة الله

اخواتي في الله..

مشكلتي هي مشكلة أغلب الحريم هنيا..لكن أنا خلاص ظااااااقت بي وابنفجر..

يابنات الأجواد ابي حل ابي طريقة ابي نصيحة اي شي..اي شييييييييي..

انا متزوجة من عدة سنوات وعايشة مع زوجي وعياله..لأن أمهم مطلقة وهم خمسة..

ابوهم طلق أمهم عشانها استغفر الله وأتوب إليه..مابي أحطها بذمتي..لكن على ماسمعت..مهيب ذاك الزود

المهم ثم تزوجني وبعدها دري أنها تسحب عيالها معها عند خويانها وانهم أكثر من واحد.

.وخاف على بناته..مسكينات ياقلبي

فطلب مني اني اربيهم وهم صغارين مساكين..بنات واولادواكبرهم كان ثالث ابتدائي..

وجلست أربي عياله لوجه الله عشان لا يظيعون مع أم ماتخاف الله في بناتها..وتاخذهن بيوت مشبوهة

الله يسترنا..وهي بنت حمايل ومعروفين..اهلها دروا لكن طنشوا..مايبون الفظيحة..وطلعوها عائشة

الله يرظى عنها..واشرف بعد..استغفر الله

وأنا ولله الحمد مال وجمال وثقافة وما ينقصني شي..طبعا محد يخلى من العيوب

ونبقى عربيات..بعيوبنا ومزايانا..المهم اني صبرت على فقره ومشاكل طليقته الي كل يوم متصلة على

جواله وهاتك ياتهزيء فيني وتحريش لعيالها علي..واظربوها ومدري وشو وهو ساكت..ولا كنها قالت

شي..وطبعن مايصير أرد أنا عليها..يعني أنطم ابرك لي..كل هذا لني احبه

المهم خلال هذي الفترة ومن أول زواجنا انا خذيت مانع الحمل عشانه عنده ظروف خاصة ومستحيل

أني احمل ذيك الفترة ماعدا الفقر والديون..اللي على راسه والهم والغم..

ومن المانع أنا زاد وزني وتساقط شعري و صرت عصبية وزاد من عصبيتي مشاكل عياله وانا مو

متعودة أربي عيال أنا اصلا يبغالي ام توني صغيرة.. المهم وفرجها الله الحمد لله وتحسنت الأوضاع

وتركت المانع بعد سنتين لكن ما كتب الله حمل..وللحين أعالج ومافي فايدة.. وقربت انجن ابي ولد

ابي بيبي..وساكتة وصابرة ومتوكلة على الله وعمري طاف الثلاثين وذبلت وما بعد حملت..

المشكلة الحين..ان زوجي من قبل لا يتزوجني..مدمن أفلام اباحية وتزوجني وانا حاولت أشبعه بكل

الطرق..انا بطبعي ما أرفض شي بالعكس أحسسه اني ابغى ثاني وثالث ولا يمكن اقول لا...

واسوي كل شي ممكن يخطر بباله..لأني جريئة بطبعي..ماعدا الغرام اللي معيشته فيه..

الحين وصل لمرحلة من حول السنتين..انه انهوس بالنت والمقاطع الشينة..وصار ما يقربلي بالشهر

إلا مرة وأحيانا لا..وان قربلي يجيني قبل الدورة بيومين..وعلى ذالمنوال

واليام اللي فيها التبويض يجلس كل يوم على النت وينبسط ساعات طويلة ثم يتروش وينااااام

يعني فيه شدة وحيل بس يظيعهم على النت..

وأنا بلحالي في مدينة بعيدة عن هلي واهله..ماغير اتطاقق مع عياله وهم ما يطيعوا ولا يسمعوا الكلام

وانا أبغي احمل..أنا مافيني مرض بس هو ما يجيني بايام التبيوض..يجيني قبل الدورة بيوم أو يومين

وش الدبرة ياربييييي..وش أسوي..انا احبه وهو يقول انه يموت فيني وتصرفات تدل على حب عميق

وحقيقي..وأنا تعبت على عياله كثييييير ربيتهم تربية دينية وحافظت عليهم وذبحت عمري في مرظهم

وتربيتهم وفي دراستهم حتى صاروا في المتوسط من المتفوقين والمميزين

والله لولا ي بعد الله سبحانه ما فلحوا ولا حتى راحو ا مدرسة

ما تهمهم الدراسة أبد...لكني الاحقهم وأدفعهم واشجعهم..بس أنا تعبت خلاص..الحين انا مرهقة

انا ميتة..النتيجة أنهم يوم يزورون أمهم يرجعوا وهم كارهيني..وللحين أحسهم يكرهوني لانها تحرشهم

علي..وتشوه صورتي قدامهم..ابغى ولد مني أحس أنه ممكن يشيلني في كبرتي..وانسااااهم

اليوم مثل كل يوم صحيت لقيته مسنع أموره واخر روقان ويتروش المعرس..وأنا مقد جاني من

شهرين...حسبي الله ونعم الوكيل..وش تشورون علي فيه..

الشي اللي مستحية أقوله أني بشر من لحم ودم..وفهمكن كافي..

المواجهات معه مانفعت نفرته مني أكثر..تركته لله عز وجل تمادى أكثر..طنشت زعلت سكتت سويت

نفسي هبلة مادري عن شي..النتيجة وحدة..وانا احبه وما ابغى اتركه ولا أخسر حبه..وماهقوتي

القى رجال ثاني يرضى بعيوبي بعد ما ظيعت شبابي عليه هووعلى عياله..هو الحمد لله أموره ماشية

ويقدر يتزوج ثانية لكن انا..آآآآآآآآه ياانا..راحت علي...رجاء لحد يدعي عليه..تراه اغلى من عيوني.

ومن ناحية الدين والصلاة عارفة كل شي يعني بصراحة يا أبغى دعوة زينة او حل عملي..يغير الحال

يعني استغفار وقيام ليل وصدقات..وكلللللل شي أدري عنه..ابغى حل واااااقعي..من خبيرة..

جزاكن ربي الجنة..شيخة.