السلام عليكم ورحمة الله وبركاته .....
اليوم بنزلكم اشياء استخدمتها وعجبتني واشياء استخدمتها وماحبيتها بالمرة .....
اول شئ الاشياء الي استخدمها لشعر ما ادري ادا ينفع احط اشياء لشعر هنا او لا ....
شامبو صانسيلك لشعر الجاف
بصراحة مرة ناسب شعري واحسه حلو ولي كم مستمرة عليه بس بعدها استخدمت شامبو الاطفال الله لا يوريكم خلى شعري زي الخيشة كملته الين ماخلص واشتريت صانسيلك
ثاني شئ بديل الزيت من بانتين للشعر التالف
بصراحة مررررررة يجنن ويهجد الشعر بالذات الي شعرها كدا متطاير مرة حلو بس لاتكثروا منو حاولو تحطوا كمية قليلة لانو لو كثرتي منو بيلصق الشعر مدري كيف يدبغ الشعر :humm:
نجي لمعجون الاسنان سيجنال المتكامل 8 خواص
المعجون مرة عجبني واحسه ينظف الاسنان مزبوط بذات انا كنت مركبة تقويم اسنان والدكتورة الله يسامحها لمن ركبت المربعات الصغار مانظفت الغراء وصفرت الله لا يوريكم
المهم معجون الاسنان الثاني سيجنال للاسنان الحساسة
http://www.m5zn.com/newuploads/2013/05/08/jpg//b11d50a3b24ccfc.jpg
انصحكم لاتستخدموه و الله لمن اسخدمته اسناني صارت حساسة اكثر للاسف ولمن افرش فيه احس بالم
نجي للجسم والاشياء الي استخدمتها
كريم جونسون الوردي
بصراحة ترطيبه مرة حلو ويعطيكي نعومة فظيعة ومرة عجبني ترطيبه
صابونة جونسن باللوز
بصراحة استخدمتها ومرة حلوة وعجبتني وريحتها تجنن وانا بصراحة اعشق منتجات جونسن
زبدة حبي من مكياجي
الزبدة دي اشتريتها قبل فترة رحت مع قريبتي مكياجي عشان تبى تشتري عطر و زبدة حبي وقلت ايش ورايا خليني اجربها بصراحة الزبدة انصحكم فيها ريحتها تجنن وغير كدا ترطيبها احلى وتدي نعومة للجسم بذات للامكان الي تكون خشنة ومايحتاج تحطي كمية كبيرة منها انا استخدمها مع العطر حقها بتحسي نفسك فواحة :biggrinlo
زبدة دايسي
لقيت صورة للمجموعة مالقيت صورة للزبدة بس هيا موجودة بالصورة بصراحة المجموعة ماعجبتني مرة اول شئ احس كل شئ فيها نقطة نقطة هيا ريحتها حلوة بس الزبدة مو حلوة احس فيها موية مدري كيف مادخلت راسي :humm:
مزيل عرق تين سبيريت
بصراحة دا النوع مرة حبيته ودايما استخدمه ومستمرة عليه اما الي لونه موف مرة بصراحة ماعجبني ولا ناسبني احسه ........:humm:
اما بنسبة للوجه استخدم كلين اند كلير غسول يومي
للامانة الي عندي مو نفس الي بصورة او هوا نفسه ودا الشكل القديم لاني ما قدرت انزل الصورة يقولي متمددة هههه الي عندي نفس شكل العلبة الي بالصورة بس اللون الرمادي تستخدميه مرة باليوم ومرة يجنن صراحة احسه نظف وجهي
وشئ اخير والحمد لله الحمام المغربي والصابون المغربي ينعم الجسم وشي مرة حلو وانصحكم تعملوه في الاسبوع مرتين وبعدين ان شاء الله بنزلكم الخلطة المغربية الي تستخدم مع الحمام المغربي الي هيا عبارة عن اعشاب وباخدها من ماما وماما مغربية ابا عن جد وبعطيكم الخلطة الاصلية بعد شوية بنزلها