بسم الله الرحمن الرحيم
7
7
في حياتنا حاجات حيــل حلـوهـ
احيانآ شغلات صغيرهـ وبسيطهـ تخلي احساسك غير ..
تخليك رايـق مبسـوط ..
تقلب جـوك لو كنت متضايق ..
....
تفآصيل صغيره بحياتنا لما نذكرهـا نبتسـم
مواقف صارت لنآ لما نذكرها نضحــك
مكـان آو شي معيـن يونسنـا ويبسطنا
....
كل شخص مننا له جـو خاص فيهـ ..
كل شخص مننا عنده حاجه يحبهـا ..
كل شخص مننا عنده أكلـه يفضلهـا ..
فحلــو مننا اننا نهتم بهالأشياء الصغيره
الحلوه بحياتنا // وحياة غيرنا كمان
.. ..
هديه صغيره بدون مناسبه
آو كلمه حلوهـ
تفـرح قلـوب كثييييير
مو ضروري شي مكلف آو صعب
بالعكس الآشياء البسيطه آحلـــــــى :)
Simple things can make us Happy
LIKE
~ Chocolates ~
لمـا أحد يشـوفني زعـلانه ويجي يراضيني بـ " تشوكلت " ..
أحـس كأنه دافع لي مليـون ريال ..
انا من المؤمنيـن جدا ان التشوكلت فيه شي يخلينـا سعيديـن ..
حـالياً .. ادفـع عمري عشـان سوفليـه خخخ ..
~ Rain ~
المطـــــــــــــــر
مـا أقدر اوصف احسـاسي وانا طـالعة في المطـر ..
دايمـا اتهزأ من امـي .. لا تطلعين في المطر وانتي حـافية .. !
لا تطلعيـن في المطـر تمرضين .. !
ومـع كذا كل مرة أكرر هالشي .. لأنه هو اللـي يخلي المطر لهالدرجة حلو ..
احـب احسـاس " الحـرية " تحت المطـر .. !
أحـب ريحتـه .. أحـب صوته .. أحب أشـكال النـاس والسيـارات والشـوارع تحت المطر
~ Coffee ~
حبي المجنـون ..
حتـى لو مـا شربتهـا ريحتهـا تريحني ..
الاسبـوع اللي فات صار موقف ..
من زمـان وانا ودي بالبزنـس مرة ..
مـرة أشوف نفسي في مجـال الادارة بشكل كبير ..
ونسبتـي قبل وبعد القيـاس كانت الحمدلله ممتـازة وتدخلني الادارة بالراحـة .. !
وانصدمـت انهم سكـروها للأدبي .. على حظـي .. !
انقهـرت مرة .. صحيح فيه خيـارات غيرها بس كنت أبيها أكثر من أي شي .. !
رحت في غرفتي أصيـح عالأرض دموع صامته ..
جـت اختي ..
قعدت عندي عالأرض .. وكلمتني كلمتين .. وقامت ..
قـالت جبت لك قهوة تحت ..
ياللـه .. ! قهوة .. بـ 5 ريـال .. واللـه انها وسعت صدري .. !
يوم شفت اختي واهتمـامها وتعبيرهـا عن اهتمـامها بـ شي انا أحبه ..
أكبر من قسم أدخله بالجـامعة بكثيـر .. !
اللـه لا يحرمني بس ..
~ Beach & Sea ~
مـا أدري لأنه كبيـر .. لأنـه أزرق ..
لأنـه غـامض .. فيه شي يسحـر بالموضوع .. !
منظـر البحـر وهو مفتـوح كذا .. مـاله نهـاية ..
ريحـه البحـر .. احسـاس المشـي على الرمـل ..
تجميـع الأصـداف ..
ألـوان النـاس عند البحـر ..
منظـره يخليني مبسوطـة مرة ..
حتـى لو مـا كنت قدامه مبـاشرة .. لو أشوفه من أي بعد .. عـادي ..
وحـدة من صديقـاتي تقول أي بلد فيها بحـر .. أكرههـا .. !
تقرف من البحـر ..
مـا أدري وشـلون فيه انسـان يشوفه ولا يتعلق فيه ..
لـو كان ضايق صـدري احب اقعد عنده في الليـل ..
شكل الأمواج وهي تـروح وتجي أحسهـا تسحب الاحـاسيس الشينه جـوا ..
~ Laughing ~
في حـالة تجيني .. مدري هي فيني ولا في الكـل ..
احيـانا من كثـر الضغط والتعـب .. أضحك .. !
تجيني كذا في نص الاختبـار ولا في اوقات بايخه جدا ..
أضحك أضحك أضحك بـ أعلى صوت عنـدي ..
صحيح انـي أدمع وبطني بينشق من الألـم .. !
هذي الحـالة وش اللي يخربها .. ؟!
النـاس اللي وانت تضحك " وشو .. وشو .. ليه تضحك ..
وش صـار .. مدري ايش " ..
خـلو الواحـد يضحك ..
بعـدين اسـألو .. لمـا يكون هذا الواحـد قريب منكم ..
حاولـو تضحكون معه .. !
تـرا مرة مرة حلو لما تضحك ويجي أحد تحبـه يضحك معك .. !
حتى لو انت ما تدري وش السـالفة .. يكفيك ان اللي تعـزه فاطس ضحك .. !
مـرة صـارت سالفة في بيتنا .. صارت زحمه كنا نحسب فيه ارهابي في البيت
طلعت في الأخير قطوة خخخخ ..
المهـم انا من النوع اللي اذا خفت .. اضحك ..
كنت اضحك اضحك اضحك .. وبنت خالتي معي .. وتضحك معي .. !
وهي ما تدري ليه أضحك .. !
للحيـن اذكر تفاصيل هذاك الموقف لأني والله يوم ضحك ارتحت ..
وارتحـت لأنهـا شاركتني ما قامت تهاوش ..
~ A Hug ~
وش أحـلى من " الهـق " في عز ضيقة الصـدر .. ؟!
او احسـاس الهـق وانت مرة فرحـان .. وأحد يشاركك الفـرحة .. ؟!
وش أحـلى من احسـاس " الأمـان " وانت بين يدين شخص ماسكك بقوة مرة ..
تحسـه يحس فيك .. !
يوم اختبـاري القدرات .. امي راحـت معي لأني ما أعرف المدرسة ولا توصيفهـا ..
وصلتنـي .. ولمـا جيت أدخل حضنتنـي بقوة وقـالت " بالتوفيـق ..
على طول العيون امتلت دموع .. هذيك الحـالة اللي ما أبي ارمش عشان ما تطيح دموع ..
تـأثرت مرة مرة ..
حسيت زي احسـاس أول يوم مدرسة .. مكان ما أعرفه .. ناس ما اعرفهم .. لحالي ..
~ A present ~
الهديـة عمرها ما كـانت بقيمتهـا أو حجمهـا ..
الهديـة بـ معنـاها ..
حـلو فجـأة تجيك هديـة بدون منـاسبة .. مهمـا كانت صغيـرة .. !
اختـي قبل سنتين تقريبـاً كـانت رايحة السـوق ..
جت قـالت عندي لك هدية ..
تـدرون وشي .. ؟!
شـراب SockS
والعياذ بالله Drinks مهب
لأنـي انسـانه ألبسهم مرة كثير لأني أحب أمشي حـافية ..
فـ ألبسهم عشان ما اصير حافية ولا لابسـه شوز ..
مـا تتخيلون وشلون فرحت فيهم .. وللحيـن عندي ..
جـابت شي أحبه وبـ ألوان أحبها وكذا بدون منـاسبة .. !
~ Thank U ~
من أحـلى احـاسيس العـالم .. انك تحس ان فيه أحد مقدر تعبك ..
مقـدر اللي انت قـاعد تسويه عشـانه .. !
احيـانا كلمـة شكـر حـلوة .. تسـوى الدنيـا وما فيهـا ..
ملوووش من إيميلي
<< لي ساعه اسوي الموضوع
ولا وحده شافته << :(