اشياء تساعد على الولاده <معدل

الله يسهل علي وعليكم ويفرج همي وهمكم

ويفرحنا بشوفه اطفالنا سليمين معافيين يارب

:32:

انا محتارهـ وش اسوي بنفسي عشان أولد بالسلامه ....


تعرفون

الثقل + التعب + طول فتره الحمل

+ النفسيه الزفت بسبب الخوف من الولاده وانتظارها

تورم الرجلين +ألم الظهر+ اسوداد الوجه والهالات السوداء

وتنميل الاطراف الخ من كل شي من متاعب الحمل


:06:



عاد كله كوم وأسئله الكبير قبل الصغير .....

ماولدتي ؟

ما حسيتي بطلق ؟

ما فكيتي البوقشه ؟

ماما متى يطلع البيبي ؟ >>> سؤال أطفالك

المميز اذا عندك اطفال !!!


======================


بصراحه كل وحده تكتب محاولاتها

اللي سوتها عشان تولد وهل جابت نتيجه والا لا ؟....

انا في ولادتي السابقه بكريه

عديت الاسبوع الـ40 بأربع أيام

ما جربت اي شي غير المشي

كنت

امشي نص ساعه يومياً + جماع قبل ليله الولادهـ

لكن جاءت الولاده من بكره بانفجار المويه !!

واضطروا للطلق الصناعي ......




==========



هالمره >>> حاولت أكثر من طريقه

أول المحاولات : المشي ......ما جاب نتيجه !!

2: شربت قرفه

3: شربت زنجبيل

4: شربت ينسون

5: جماع بشتى الوضعيات >> برغم المزاج قفل

بس عشان احرك الطلق !!

6: تحممت بمويه حااره وركزتها على اسفل ظهري

7: تبخرت بعود


:06:

طبعاً ما فيه أي نتيجه ..



** برغم أني أحس بآلام طلق خفيفه

وساعات تشد شوي

وتنتظم شويه ساعتين او ثلاث ساعات امس

ظلت 6 ساعات منتظمه

بس ترجع تختفي !!

نزلت قبل أسبوع مني افرازات وانتو بكرامه

بنيه فاتح فيها خيوط او شعيرات دم

ولا فيه ولادهـ !!!!



الله يسهلها علي وعليكم وعلى كل حامل يارب


كل وحده واصله وثقيله وعلى وشك ولادهـ تكتب تجاربها

وهل فيه شي تحس انه جاب نتيجه؟؟؟

والا كل شي خرابيط ولا يجيب نتيجه؟؟؟


حتى نفيد بعضنا وعسى الله يفرجها علينا جميعاً

:06: