السلام عليكم بنات
صباح الخير
عسى الله يسهل علينا ويرزقنا الحمل السليم المعافى التام الخلقة ونعدي اشهر الحمل من غير شر..
نفسيتي صايرة مخيسة من زود الحساسية الزائدة مو طايقة زوجي ابدا خاصة أنه مايراعي اني حامل وماعنده ثقافة عن المرأة الحامل ...ونتهاوش من نجلس مع بعض ومن يدخل البيت بسبب كلمة والسبب هو طبعا لاني اكون مروقة قبل مايجي البيت أو اجلس معاه لو دقيقة تعليقاته تضايقني على كل شيء يعلق وطلباته ماتخلص وفي أوقات غير مناسبة وانا تعبانه واخدمه ومايقدر وهذا الشي يخليني اعصب واكرهه زيادة
يعني زيادة على تعب الحمل ناس زقان استغفر الله ماهندهم ذرة احساس بالمراة والإنسانية ولافقعت جبهتهم يزعلوا بعد
المهم كيف نتغلب على نفسية الحمل والعصبية وكيف نبلع الناس اللي ماينبلعون خاصة لاكانوا اقرب الناس لنا
كيف نتغلب ع سوء المزاج ونقدر نتعايش مع الناس اللي ماينبلعوا أثناء الحمل لايتاثر البيبي بالنفسية
مرة زوجي جاي البيت ورأش فليت يسوي اشياء تقهر مدري كيف مافي احساس بالحامل
زوجي صايرة وظيفته تعكير مزاجي ودي احط حاجز بيني وبينه مو عارفة كيف.. والمشكلة بعد هو اللي يزعل وهو اللي مزعلني ودي اطنش بس متعودة ماحب اشوف احد زعلان مني وقاعدة اسوي نفسي جادة لاني جد منقهرة وتحولت لإنسان ة رسمية بسبب الناس الزقان في البيئة المحيطة وخارجها
البارحة جاي الساعة ٢ الفجر ويبغى عشى وانا خلاص منتهية وتعبانه ومع ذلك جلست اطبخ ولما قلت له اساسا انا تعبانه وكنت بنام الا زعل وترك الاكل ومااكله... هو الغلط منه جاي وقت متأخر ويبغى عشا وانا مالي خلق ناس كذا
صايرة من اشوف زوجي احس اني اشوف ذبانه لاني تعودت أنه يضايقني.. والمشكلة إذا تحول الشخص عندي لذبانه خلاص تصير ماااطيقه