اكثر شي يقهرني بالضيوف الاطفال وبثارتهم ..تجيك الوحده جايبه كل عيالها ومسكره على الشغاله بالبيت لحالها ياما خليهم عندها او جيبيها معهم على الاقل تتابعهم ..موشغالتي ماتدري وش تسوي تساعدني بالشغل او تنتبه لهم
ثاني شي ..اللي ماتقدر تأدب عيالها وتسيطر عليهم لا تاخذهم معها كل مكان واي مناسبه الواحد يالله يستحمل شقا عياله بيتحمل عيال الناس..مثلا بروح لوحده والده ليش اخذ عيالي معي وش مصلحتهم من الزياره؟؟وهذي صارت لي توي والده مالي الا ثلاث ايام وبيتي لحالي جوني حريم ومعهم عيالهم كلهم وماراحوا الا بعد الساعه 12 بالليل والله مافرحت بزيارتهم قد مافرحت بمشيتهم وهالحركه تكررت كثير منهم..اخر شي ماستحيت منهم قلت لا عاد تجون .
ولا تقولولي لا تعزمين احد اذا هذا طبعك..الا احب الناس واحب يجوني اكثر ماروح لهم والحمد لله عندي عيال واعرف تصرفات الاطفال بس لازم يكون هناك حزم معهم
غير كذا لازم نراعي احوال البيوت يعني مو كل وحده عندها مكان واسع او حوش عشان تسرح فيه عيال خلق الله اغلب الناس في شقق او بيوت صغيره ..يعني انا مثلا بيتي صغير ونظامه امريكي (موباختياري) المطبخ مفتوح وقباله مجلس النساء يعني اللي مايشتري يتفرج ومن يوم يجون الضيوف عيالهم يحوسون بهالمطبخ وينقلون من الثلاجه لعند امهاتهم لين اكره عمري منهم وامهاتهم ولا كانهم موجودين من غير الركض والصراخ والجزم اللي واصله الجيران كل شي يتعبثون فيه..
مع اننا اذا صار فيه دوريه او اجتماع مايكون الا وسط الاسبوع و بعد صلاة العشاء يعني بعد مايعشوا عيالهم وينوموهم اللي في المدارس مع ذلك يجيبوا الصغار اللي يبهذلون الدنيا ..وكلهم عندهم شغالات..ونخصص لهم طلعات جماعيه خميس وجمعه بحر مخيمات بر منتزهات يعني ماحرمناهم من بعض او من شوفة الناس ..لكن انا اعتقد انها ثقافة مجتمع وش الغرض من الزياره اذا بنكد على الناس وبخليهم يكرهون شوفتي من طبعي انا وعيالي!!!!
وبالاخير ..اشكر صاحبة الموضوع على طرحه لانه مهم وحساس..واعتذر عن الاطاله لاني قصيت قصة حياتي.. :)
يا حليلكم حسيت وانا اقرى اننا جالسين جلسة حريم ونسولف
انا شخصيا اعلق ورا باب حمام الضيوف اكياس فاضيه بشكل حلو للحفايظ سواء الاطفال او الحريم
واعطيها خبر قبل ما تدخل انه فيه اكياس ورا الباب
انا عندي من جميع النوعيات الاتيكيت والذوق واللي ما يفهم بالذوق شي واللي عندهم اطفال واللي ما عندهم
لذلك خبره فيهم
بس انا احب الناس واحب احسس اللي جايني انه في بيته
ولو كسر او وسخ او رمى عااااااااااادي وما ابين شي بالعكس ابين العكس انه يابنت الحلال عادي مشي حالك
ولو اني احيان اتضايق من بعض التصرفات
انا شخصيا اعلق ورا باب حمام الضيوف اكياس فاضيه بشكل حلو للحفايظ سواء الاطفال او الحريم
واعطيها خبر قبل ما تدخل انه فيه اكياس ورا الباب
انا عندي من جميع النوعيات الاتيكيت والذوق واللي ما يفهم بالذوق شي واللي عندهم اطفال واللي ما عندهم
لذلك خبره فيهم
بس انا احب الناس واحب احسس اللي جايني انه في بيته
ولو كسر او وسخ او رمى عااااااااااادي وما ابين شي بالعكس ابين العكس انه يابنت الحلال عادي مشي حالك
ولو اني احيان اتضايق من بعض التصرفات
انا احب الي يجيني وافرح واحب اوجبه واحشمه مره وودي مايحصلون مني الا كل خير وادب بس انا مايتعبني الا الاطفال يسرون ويخربون والاشجار تندمر هذا الي يتعب قلبي انا احط لهم غرفه فيها شوي العاب مثل للبنات سبوره واقلام ومواعين والاولاد بليستيشن ومع ذاااااالك لاحياه لمن تنادي الله الهادي بسسس وعلي قوله البنات حركه المناديل والخربطه هاذي تتعب ..
الصفحة الأخيرة
هم صلو فيها ماتنشفو فيها بعد ترويشه