*-*ميلاد الفجر*-* :

والله بصراحة انا احب الناس لكن اللي يكرهني فيهم ما يبغو يخرجو من بيوتهم تقول لك الوحدة انتي اخف تعالي وعلى هالحال شهور طيب حسو في اللي تبغى الناس انا والله لو يحوسو بيتي حوس ما همني انا كذا ولا كذا منظفة منظفة بس يجو الله لا يهينهم والله ان مجالسي ما يدخلها احد من العيد للعيد مع انهم كل اسبوع يتصلو تعالي تعالي وين الغيبة اقول تعالو يقولو والله احنا لو جينا اولادنا يحوسو بيتك حوس عشان عندي تحف طيب عمري ما اشتكيت لاحد والله حتى انسدت نفسي اني اشتري تحف واغير في الاثاث من قل الناس

والله بصراحة انا احب الناس لكن اللي يكرهني فيهم ما يبغو يخرجو من بيوتهم تقول لك الوحدة انتي...

golden cat :

السلام عليكم.. وصباح الخير.. بصراحة ولا احد يزعل مني.. لكن الموضوع قلب ( حش ) مع احترامي .. والله يهديكم البعض يتلفظون بكلمات .... !!! المفروض كل وحدة تدخل وتعدد الاشياء اللي ماتفضلها اثناء فترة الزيارة.. وانتهى.. مايحتاج ( تقولين قصة حياتك ) الاحظ كثير تكلموا في الناس وناااادر ما ارى كلمة ( اللهم عافهم ولاتبلانا ) !! -------------------------------- ولله الحمد لدي خبرتي في الحياة لاني اقرا كتب عن طرق المعاملة مع الناس وغيرها .. ومن خلال دراستي وهذي بعض النصائح: 1- انا ماعندي مشكلة تدخل بالجزمة .. لان بيتنا سيراميك.. ونصيحة اللي تحب الموكيت.. تختار لون غامق.. وماتكون معركونه 2- عن نفسي ما افضل المنديل يكون في الفنجال .. وانتبهوا بنات هذي نقطة جدا سيئة .. ( لكن عادي بينغسل .. مايحتاج انرفز بقوة واسوي موضوع من لاشيء ) 3- ممكن الكثير يشتكي من المناديل.. لكن انا احط صحن فاضي على الطاولة اللي عند الحرمة.. بحيث تحط مناديل او قطعة شوكولا ماكملتها.. :) واذا حسيتهم امتلوا اجيب صينية خاصة للبقايا الله يكرمكم واحط فيها الصحون اروح ارميهم وارجع <<< احسها طريقة حلوة ^_^ في حال رمي المناديل بشكل عشوائي .. عادي اتحمل.. بس مو لدرجة اكره القعده واكره الشخص اللي قدامي.. كذا ماراح تنبسطين طووووول عمرك .. واللي تفكر كذا الله يعينها.. الحياة يبيلها سلاسة وتفهم.. عودي نفسك على رخاوة الاعصاب.. 4- كثير يشتكون من ان الاطفال يعبثون بالتحف.. اولا يا اختي الكريمة.. اذا ماتفضلين بيتك يدخله اطفال نبهي على اللي بتجيك وحاولي تذكرين الاشياء الايجابية اذا جت لحالها بحيث انها تتحمس ^_^ لكن اذا مثلا ماعندها احد تحط عيالها عندهم.. خليها تجي.. وخلي الاطفال في غرفة التلفزيون.. حابة اعطي نصيحة لغرف التلفزيون: الافضل تكون خاليه من التحف وتكون بسيطة من ناحية الجلسة والارضية.. بعيدا عن التحف والبهرجة اللي نشوفها بالمسلسلات لانها اريح للعين.. واهم شي تكون مريحة.. مو مهم التحف في غرفة عائلية مثل هذي.. اكمل... وجيبي للاطفال كل الالعاب اللي عندك وخليهم يحوسون ويلعبون براحتهم.. واذا تخافين على الكنبات تتوصخ.. الحين في تلبيسات للكنبات ^_^.. فصليهم على موديل كنبك وارتاحي.. ونصيحة لاتعطينهم اي شي يوصخ.. يعني ابتعدي عن الشوكولا وحلاو المص... احسن شي بسكويت اشكال او شيبس.. واذا انتي من النوع اللي مرة ماتطيقين الاطفال .. روحي انتي للناس لايجونك.. وبكذا ماقطعتي الصلة اللي بينكم .. <<<<< رغم كثر الردود ماشفت هالاقتراح :) بعدين المفروووووووض كل بيت او كل شقه ( ان شاء الله لو متر في متر ) غرفة للاطفال.. بحيث ( ماتنجلطين لو انحاس المكان ههههه ) 5- بعضهم يقول التحف نشتريهم علشان نحطهم مو علشان نشيلهم .. انا اقول صح عليكم.. لكن فكري بعقلانية.. من الخسران اذا حطيتيهم وجو اطفال وكسروهم ..؟؟ ومن الخسران اذا قعدتي تقولين لكل وحدة لايكسرون ولا يحطون ؟؟ كذا الصلات مع الوقت بتنقطع.. وبالمستقبل حتى الاخت ماتبي اختها..!!! والله المستعان.. خلي التحف للزيارات اللي مافيها اطفال.. ولاتصدقين اللي تقولك انا التحف 24 ساعة بالبيت وعيالي مايسوون شي.. اعرف كثييييير التحف يشيلونها.. واذا في ضيوف يرجعون كل شي مكانه ( والناس مايملى عينهم حتى التراب ) 6- وبالنسبة للمطبخ .. على طول اقفليه حتى علشان عيالك والمخزن بعد.. 7- اثناء اختيارك للاثاث حاولي تشترين اثاث يمكن التخزين فيه بسهوله مع الاقفال .. مثل المكتبة اللي فيها ادراج .. مكتبة التلفزيون وهكذا.. لك وللمستقبل.. حتى لو بعدين جاك اطفال.. يعني بتقعدين كل سنة تغيرين في الاثاث !!! 8- في مجلس الحريم اذا انتي حاطه حلى .. وقدمتيه للناس لاتخلينه على الطاولة اذا فيه اطفال.. حاولي توفرين لك مكان في المجلس تحطين عليه الاشياء بحيث الاطفال مايقدرون يوصلون له واذا الحرمة تبغى ولدها جنبها .. خلي عندك بسكوت ويكون مغلف علشان يتحمس :) عطيه منه ولاتفكرين تعطينه من الحلى علشان مايحوسك.. ولاتحطين كثير علشان مايقعد كل شوي يقول ابغى.. عطيه واحد بس س س .. والباقي خبيه.. 9- بخصوص شراشف الصلاة .. اذا كانوا ضيوفك اكثر من 3 لاتطلعين سجاد على عددهم.. يعني ضيوفك 5 طلعي 3 .. مب لازم تقلبين البيت مسجد... وان شاء الله ماراح يفوت الوقت ( وبعدين كله شرشف وسجادة .. ايش فيكم زعلانين.. بعدين من باب الجود والكرم والسنع ماتخلين ضيوفك يسوون هالشي بدالك.. ) 10- الحمام .. اذا شفتي وحدة بتروح للحمام .. قولي لها .. ( وترى في نعال للحمام .. البسيهم اريح لك ) ^_* اذا كانت الحالها .. خلي كل ديكور الحمام لحاله .. واذا معها اطفال.. ماعليش شيليهم .. الكرف اولا واخيرا عليك .. واذا تخافين من كلام الناس.. ( كلامهم عمره مايخلص اهم شي راحتك ) ولو اني ما افضل ديكور الحمام .. لان الحمام مكان تجمعات البيكتريا.. وحتى ولو كان نظيف.. الروائح تسبب تلوث للاسف.. وبالذات للي يحطون فوط في الحمام :( .. لاتنبسطون تفكرونها نظيفة طول الوقت يعني يفضل حمامك يكون خالي.. 11- اذا شفتيها بتغير للبيبي .. روحي وقولي لها ( تبين اجيب لك كيس ).. اذا قالت لااا ..انتي سوي نفسك سنعة .. وروحي جيبي لها ( هههههههه ) قولي تفضلي .. حطيه فيه افضل.. ( ويفضل توفرين اكياس زبالة اللي تكون شفافة شوي .. انوقع معروفة وماتاخذ حيز .. باقرب مكان للحمام .. في درج المغسلة .. يعني الحين سويتوا ديكور كامل للحمام .. ومافكرتوا بهالنقطة !!!!!! ) 12- بخصوص الروج اللي يطبع على الفنجال ( شفيكم ياساتر مدققين على كل شي.. يعني بالله عليك هالفنجال ماراح يمر من تحت الموية والصابون !!!!!! ) 13- مو لازم تعطين الطفل عصير اوشي يشربه .. يفضل موية.. واذا عصير لاتحطينه في كاس.. عطيه بالشفاط حقه وياختي اذا رحتي للناس.. لاتاخذين معك شوكولا.. وخوذي عصير بشفاط ..وبسكوت وحليب اذا كان عمره صغير.. وتكون الحليبة جاهزة .. مايحتاج موية .. وجيبي الموية معك وتكون دافيه.. ولاتجيبون دفتر تلوين والوان علشان بيت المضيف ماينحاس.. ولا تاخذين له شيبس لان ريحته تكون قوية وتكتم :( وخوذي له لعبتين فقط :) ------------------------ بصراحة ومن دون زعل.. اكتشفت الناس الحين مايبون احد .. ديكورات في البيوت وشغل حلو .. ومايبون يضيفون احد.. بنات انا ما الومكم.. لكن كلكم تزعلون من اطباع الناس.. لكن في وحدة فكرت بالعيب اللي فيها !!!!!!!! اتحدى .. انتم تشوفون انفسكم ملائكة..لكن ثقوا جميعكم .. انكم انتم ايضا لديكم عيوب والشخص الاخر ينتقدها الشي الثاني.. ولا وحدة فيكم وجهت كلمة للضيفه او نصيحة اذا منزعجة من شي.. صح ولا لا !؟ خلونا واقعيين.. يعني قولي للحرمة لكن باسلوب حلو..او ( الكلام لك ياجارة ) <<<< وانوقع جميع النساء فنانات في هذه النقطة بالذات ^_* واللي تقول جيراني دايم عندي.. بالله عليك .. قلتي لها انا ما احب الزيارة بهالاوقات وحددي لهم الايام والساعه..!!! ما اتوقع.. هم ماتجرأو .. الا لما شافوك ساكتة.. عن أبي هريرة _رضي الله عنهقال: قال رسول الله _صلى الله عليه وسلم( المؤمن مرآة أخيه ) .. وبالنسبة ( للناس الملاقيف اللي يحلقونها للمطبخ ) اذا شفتيهم مرة داخلين ( قطي عليهم كلمة ) وشوفي كيف.. واذا الوضع مستمر .. لازم تلقين حل.. مافي باب مقفل الا وله مفتاح يفتحه.. انتي صاحبة الموقف ولازم تتخذين قرار.. لا تستنين احد يجي ( ويفزع لك )الزمن هذاك ولّى :( والله يفرجها على اللي حمولتها ماذينها ويجتمعون عندها كل جمعة .. ويصبرك .. والله قلبي معاك وبالنسبة للاطفال.. حرام عليكم والله حرام.. ايش ذنبه الطفل.. ويعني انتم لما كنتو صغار.. كنتوا ملائكة.. و24 ساعة قاعدين ماتتحركون ولا تتنفسون ولا ولا ولا .........ألخ !!!!!!!!!!!!!!! الله يهديكم بس.. والاطفال اللي عندهم فرط حركة.. او عناد زايد .. تلقون امهاتهم ( تعذبوا منهم ) ووصلوا لدرجة مايقدرون يتكلمون.. لانهم لو تكلموا.. ماراح يسمعون.. هي انسانه ويحق لها تتعب واللي تقول امه ماربته.. وش يدريك..!!!! انا مخالطة ناس واجناس.. ويشتكون لي من عيالهم ويقولون مافي طريقة مافي شي ماجربناه عليهم وفوق كذا مايسمعون الكلام.. يعني وش تسوي .. ترمي ولدها من الدريشة !!!! احنا نفتقد فن التعامل مع الاطفال للاسف :( روحوا شوفوا الشيخ سليمان الجبيلان وكيف لما يشوف طفل ايش يسوي معاه !! هذا وهو شيخ.. ( الله يطول بعمره ) للاسف اليوم الكل مايفكر بظروف الغير.. ماتفكرون في الشخص اللي قدامكم كيف عايش .. وليه وصل لهالمواصيل..؟! ماتدرون الدنيا وش مسويه فيه..! واذا بتدققون على صغيرة وكبيرة .. نصيحة مني لاتعزمون احد .. ولا اقولكم اعزموا روبوتات :) غرتنا الدنيا.. الخير كثر والمحبة بقلوب الناس صارت قليلة.. اول .. كان الكنب يشيل 10 اشخاص.. الحين الكنب للي لـ 3 اشخاص.. يشيل اثنين بس :( الله المستعان... سبحانك الله وبحمده اشهد ان لا اله الا انت استغفرك واتوب اليك.. تقبلوا تحياتي انا وخواتي <<<<<< ساعدوني في الموضوع ودعواتكم لامي وابوي بالشفاء.. وان ربي يفرجها علينا ودعواتكم لي بالوظيفة والرزق الصالح منها.. ماشاء الله.. تبارك الله .. ولاحول ولاقوة الا بالله العلي العظيم

السلام عليكم.. وصباح الخير.. بصراحة ولا احد يزعل مني.. لكن الموضوع قلب ( حش ) مع احترامي .....