اشياء جربتها من المنتدى ولاعمري حندم عليها

سلام عليكم
مساء الفل المفتح

ا اليوم حبيت اجمع كل تجاربي بالمنتدى بملف خاص فيني وماابغى غير دعوه حلووه منكم وانه ربي يحقق الي ببالي وييسره لي يااارب

1- اتعلمت حمام المغربي واشترريت الساونااا مررره حلوو للجسم اول شئ احس انه جسمي يعررق ويطلع بلاوووي والشئ الثاني بالفرك طلع الشعر الي تحت الجلد اكيد فاهميني

2- اتعلمت اجيب بخاخ فاضي من عند ابو ريالين واحط فيهااا اويل للاطفال وكمان اجيب مسك مبشوور وانقع ليله كامله بمويه حاره يصير مثل الرغوه واخلطهم سووا واحطهم بالبخاخ
وارشه على جسمي لمن اخرج من الحمام ريحه حلووه وكمان يترطب جسمي لانه كل الدهون الي فيه راحت من البخااار والدعك

3- اتعلمت خلطه الفازلين والليمون اول شئ انقع رجلي بمويه دافيه في اناء على مقاس رجلي وافركهم بالليفه المغربي من بين الاصابع ومن ورا القدم وتحتها وبعدين اجففها وادعكها بعصير ليموت واحط الفازلين والبس كيس برجولي واحط فوقهم شرااب او جووراب
اسوي دي الحركه عند النوم تطلع رجولي نعومه وريحه طيبه ومافي خشونه

4- اتعلمت استخدم الحجر الي ينباع عند العطار حق خشونه الكعب وفعلا رجولي ماعادت خشنه ابدااا

5-اتعلمت اقص اطراف شعرري كل شهرررر وعشان يصير التوقيت كوويس
كل ماجيت اغتسل من الدوره قصيت اطراف شعري بكدا اضمن كل شهر اقص اطراف شعري وماانسى
دي نصيحه العضوه توليب الله يسعدها

6- اتعلمت استخدم صابونه البابايا للوجه مرررره حلووه لانه وجهي كان كله دهونه ودحين جفت الدهون وصاير وجهي منوررر

7- استخدم صابونه بيبي جونسن تدي نعومه وريحه حلوه لجسم

8- اتعلمت من العضوات كيف استخدم الحلاوه للمنطقه الحساسه وكنت خوااافه مررره
بس لمن شفت الناس تستخدمها حسيت انه لازم اتعلم وفعلا دحين مااستغني عنهااااااا ابدااا

9- اتعلمت استخدم ماكينه امجووي الوردي بالملاقط الذهبيه لجسمي تخليه ناعم

10- اتعلمت خلطه لشعرري والحمدلللله وماشاءلله ولاحول ولاقوه الا بالله مره كثييف وغير كدا صار يمشي ويطوول
وهي حلبه وعود الحلبه واي زيت بأختيارك
اطحني الحلبه والعود حقها واخلطيهم بالزيت وحطيهم على الناار الين تصير دافيه
بعدين حطيها في قاروره زجاج وحطيها بالشمس عشاان تخمممر وتتجانس المقاديررر
وكل خميس من كل اسبوع استخدمها وانام عليها واقوم اليوم الثاني اتحمم
11- اتعلمت من عضوه مااذكر اسمها الله يسعدها قالت انه الفرك والتدليك لفروه الشعر مره يكثف الشعررر
وفعلاااا اتبعت طريقتهااا وجابت مفعوول

12- اتعلمت من العضوه مروج الله يسعدها توريد الشفايف واستخدام الفكس وفعلااا شفايفي صارت ورديه مع الاستمرررار

13-اتعلمت من عضوه ناسيه اسمها الله يسعدها ياررب استخدم كريم باراشوت للشعر بعد الحمام
والي لونه اخضرررر مررره ريحته تجننن بمعنى الكلمه ومره ناسب شعرري

14- اتعلمت من العضوه توليب الله يشفيها يارب طريقه حزم البطن عشان تنحفي وفعلاا جابت نتايجها معايا

15- اتعلمت من وحده الله لايحرمها من الجنه كان حلم حياتي انزل وزني لاني ماني تخينه مره بس مااعرف اسوي ريجيم الا ويخررب وقالت نصيحه ماانساها لها طول العمر
اول الريجيم أبدأي كلي نص الوجبه وامشي على دا النظااام اسبوعين شويه شويه بتلاحي نفسك مااتشتهي الاكل دايم

16- اتعلمت من المشرفه بنت الكويت برد من ردودها استخدم الليمون والمويه وهي دافيه اشربها على الريق انحفف وفعلا تمام التمام معايا

17- اتعلمت استخدم شاهي اخضرر 3 مرات باليوم يخلي ريحه جسمك حلووه وحسيت فعلا بفرررق مع الاستمرررار وترك المخللالات والبصل والثوم والزيوت وتخفيف اللحوم

18-استخدمت ملح الحليب كمقشرر لجسمي بصرراحه مررره حلوو وناسبني

19- اتعلمت بدل مااشتري مزيل مكياج بالسعرر الغالي استخدم اوويل للاطفااال مرررره حلووو بالمناديل وجربوها وشوفو

20- اتعلمت خلطه المسك المطحون مع الشبه كمزيل عررق ومرررره حلوو فتحت المنطقه ومافي اي ريحه لمده اقصاها اربع ايام
دحين انا بصدد اتعلم خلطه توليب لتبييض الركب
وخلطه فارسه حواء بدم الغزااال
وابغى اشترري كريم كاب للحممام المغربي واجربه
وبأشتري كريم ماجيك الي طايحين فيه الفلللبينيات <_ ماهم احسن مني :angry2:
وبجرب مكواة الشعر
وان شاءءلله لو تيسرت اموري كتبت تجاربي كمان
بس بالله يابنات ادعوولي:( واذكرررو اللله

ومشكوووووووورين على المرور مقدما:)