اهلك لو قلتي لهم مو تاركينك في الشارع
كلنا اهالينا مثل اهلك
ما يتحملون الازعاج لكن شيء عن شيء يهون
واصبر على الكلام ولا اشوف لي شوفه تشيب راسي

يعني لو جن ليش تنتظر لين تطلعين من البيت ؟؟حطي كميرات اذا تقدرين وروحي عند اهلك ازعاج عيالك ولا مصيبه تصير لكم لاسمح الله.

شكلك تشغلي لاولادك طيور الجنه انتبهي من التلفزيون بشكل عام يدمر عقل الطفل ويجيب توحد ومعليش ردي بعيد عن موضوعك

م ودي اظلم زوجك لان الظليمه شينه
بس مدري ليه و انا اقراء كلامك حسيت ان هو يبغا يستهبل عليك او يختبر صبرك و طوله بالك ف غيابه
مالك الا تشلين قشك و تروحين لاهلك
و اذا على حكايه اهلي م يتحملون ازعاج عيالي
عاااادي جداً كل الاهل كذا م يصدقون عيالهم يكبرون يجونهم ب بزرانهم يعني مو انتي لحالك اللي اهلك يضيقون من عيالك كلنا كذا
امي الله يحفظها تقول لنا تخرج الوحده من بيت اهلها لحالهاو تجي معها درزن عاااادي ع بالك نزعل انا و خواتي بالعكس نتقبلها بصدر رحب
بعدين بغض النظر عن البيت مسكون او غيره انتي كيف تقدرين تجلسين ف البيت و زوجك يغيب 20 يوم ؟!
اعرف ناس الله يستر علينا و عليهم
زوجوا بناتهم و اولادهم و بعد كم سنه و بعد م خلفوا
رجعوا لها بناتها مطلقات وعيالهم معهم كل وحده عندها 2 او 3 و واحد من اولادها طلق زوجته و اخذ عياله عند اهله
م قالوا اهلنا يضيقون مننا اذا اهلك م تحملوك ف الشده متى يتحملونك و متى ينقال لهم اهل ؟؟!

شوفي الشبابيك هل هي مامنه او لا
شوفي الشقه لها ابواب تفتح على شقق جيرانك غير باب الشقه
هل غيرتي كالون باب الشقه او باقي غيري الكالون يعني المفتاح قيمته 15ريال فقط واذا فيه ابواب تفتح على شقق جيرانك اطلبي منهم تغيري كواليين وترفعي المفاتيح
ايضا قفلي النوافذ واضغطي الازرار له ازرار سوداء اضغطيها وحاولي تفتحي النافذة حتى تتاكدي انها مقفله
ترى فيه حريم شحاتات ورجال يدخلون بيوت الناس بس عشان ينامون وياكلون ويتروشون ما يسرقون نهائي لان مالهم بيوت انتبهي على نفسك وسوي اللى قلت لك عليه
الله يستر عليكم