اشياء غيرت شعري

قررت اكتب الأشياء اللي نفعتني برحلتي لان ارجع لشعر الطفوله و المراهقه 😞
》》》 زيي المرجع لنفسي اولا ثم لأي حلوه تحتاج تستفيد ♡

اولا:
حبوب هيردال احس لازم كل بنت تاخذها عندها تساقط او لا زيي الوقايه وسعره ٣٣ بسيط و يكفي شهرين
الثانيا :
زيت اللافندر * الخزامى* وقف عندي التساقط تمام اذكر اني اشتريت من محلات ادوات التجميل اسم الشركه now solutions مرره حلو وخفيف م يحتاج تخففيه اذكر كان ب ٢٥ ريال قبل انا كل ليله احط شوي منه وامشط والله جاتني فترة المشط مشاء الله فاضييي ولاشعره
ثالثا :
الحناء
(((لو م تسوي شيء و تحطي كل جمعه حناء حتى لو خلطتها بشاي بس والله يفرق معاكي الحناء معجزه للشعر )))

اخلط أعشاب *لافندر و اكليل الجبل و قرنفل و حبه بركه وكركديه و شاي احمر واغطيهم واغليهم ع النار عشر دقايق * واخلط حناء وسدر نص النص ومرات اسوي بس الحناء السدر لانه ينبت الشعر و يوقف تساقط ويكثر الشعر


رابعا :
زيت جوز الهند و الجرجير
يطول الشعر و كثفه وينعمه مره بالاسبوع
زماان كنت اخذ زيت الجرجير الاصلي من العطار لكن م عدت لقيت نفس الشركه ولا ابغى اغامر و اجرب شيء مو اصلي
اخذ حزمه جرجير مع ثلاث ارباع علبه زيت جوز الهند تقريبا ٤٠٠ مل ع الخلاط و اخلطهم كويسسس مرررره وبعدها احطه بزجاجه و اخليهم ٢٤ ساعه في مكان دافي *المطبخ * وبعدها جاهزه للاستخدام و تنحفظ بالثلاجه مده طويلهه بس هذي الكميه حق تقريبا شهرين لشهرين ونص بالكثير ٣ شهور و ع حسب احتاجك يعني طول شعرك انا احطها مره بالاسبوع اطلعها قبل بوقت واخذ من كفايتي وادفيها بحمام مريم واحط ع الجذور للاطراف ايوا نسيت واحط لها قطرات زيت اكليل الجبل في القزازه نفسها يعني ١٠ قطرات
صحيح ان لسى م رجعت لنفس الطول لكن رجعت لشعر صحي و كثيف و الطول بعده ان شاء الله



♡ربي لاتذرني فردا وانت خير الوارثين ♡

سبحان الله وبحمده سبحان الله🌳 🏡
♥ ❤ 💖