اشياء فادتني في اسبوعين لشعري

بنات اول شي اطلب من كل وحده تقرا موضوعي تدعي لي بظهر الغيب حتى لو ماكتبت لي المهم تكون دعوه صادقه ومن قلب ان ربي يتمم حملي بخير واجيب بنتي بصحة وسلامة ويعلق قلب ابوها واهلها فيها ويجعلها قرة عيونهم ويسخر لي زوجي واحبابي


راح اقولكم نوعية شعري جاف طوله اطول من الكتف بشوي يتساقط وخفيف من المقدمة

اول شغلة ابتديت فيها زيت حور الجنان ربي يوفقها وين ماراحت ويشفيها ويعافيها

اللي هي زيت املا 3 كاسات مع ملعقه من كل من محلب وحلبه وحبة سوداء وشعير واستخدمي لي ملخبط مش زيت ماذكرت لان الوقت ماكان مساعدني عيد واسواق الخ فكنت احطه كل مافظيت لمدة اربع ساعات احيانا كل يوم احيانا مره كل 3 ايام المهم في الاسبوع اكثر من مره

واخليه اربع ساعات عالشعر فقط لاغير


ثاني شي شامبو يجنننننننننننننننننننن بالطحالب البحرية من عطار بالشرقيه بالحياة بلازا وهو شامبو الطحالب البحرية وللاسف ماعرف انزل صور لكن العبوة كبيرة جدا تكفيك شهر او اكثر حسب طول شعرك وحمام الزيت كذلك وسعرهم اثنينهم بحدود الميه وشي لون العبوة اخضر ومكتوب شامبو بالطحالب البحرية واللي تعرف تنزل صور ياليت تنزل صورته واانا بقولكم هو ولالا وهو صناعة فرنسيه


ثالثا واخيرا منقوع الاس واكليل الجبل بعد كل حمام اشطف شعري فيه وبعدين اي سيروم واربط شعري لورا واشده علشان يطول والحمدلله النتيجة لاحظتها بهالفترة التساقط لا اله الا الله والله اكبر وماشااءالله وماشاءالله ماشاءالله وقف
والطول زاد حوالي 1سم والنعومه مره حلوة حتى شعري صاير فيه لمعه وقلت الكسرات اللي بشعري بشكل كثير وماعاد احسه جاف زي اول يالله يالله امشطه لا بالعكس امشطه بكل سهوله صرت ولله الحمد


اذكروا الله يا بنات ولله اني ابي لكم الفايدة زي ماستفدت منكم كلكم باشياء كثييييييييييييير وابي منكم الدعوة الصادقة لاغير