اشياء لازم تعرفيها قبل ما تسوي تنظيف بشرة على يد محترفة

اشياء لازم تعرفيها قبل ما تسوي تنظيف بشرة على يد محترفة
قبل ما أبدا بس بغيت اشكر كل المشاركات على دعمهم لي, شكرا جزيلا و يعطيكم الف الف عافية يا رب، و لو في أي سؤال يخطر على بالكم، انا موجودة للإجابة و مساعدتكم في الحصول على أحسن و أروع بشرة!!

أنا أخصائية في علم البشرة، الصحة، التغذية و التجميل بأحد المراكز، و دايما كثير من الزباين لمن يجوا عندي يتفاجؤا من طريقة تنظيف البشرة، و يقولولي انو عمرهم ما جربوا تنظيف زي كذا.
لذا اليكم بعض النصائح و المعلومات البسيطة عشان تضمنوا أفضل تنظيف بشرة عند زيارة أي مركز تجميل:
أولا/ أسألي عن المنتجات و كيف يمكن أنها تحسن من بشرتك.
ثانيا/ عند الإجابة عن أسئلتك لازم تعطيك الإخصائية إجابة مقنعة، علمية و منطقية.
ثالثا/ لازم تكون الأخصائية دارسة و متخصصة في هذا المجال ( بالنسبة لي كانت 4 سنين و لكن يعتمد على قوانين البلد اللي درست فيه)
رابعا/ انتبهي من المتخصصات اللي درسوا لفترات قصيرة جدا أو اللي جاية من شغل البيت و على طول صارت تشتغل على وجهك، يا أخوات هذه بشرة الوجه، لازم تنتبهوا، عندي زباين لسع يتعالجو عندي لهذا السبب بذات.
خامسا/ لمن يتسوى التنظيف، لاز تضمن (الوجه، الرقبة، الأذاني، منطقة الصدر العليا) عشان يعطيك شكل موحد، كثير من المراكز تسوي بس الوجه، كذا غلط و بخل على الزبونة المسكينة.
سادسا/ أتاكدي من نظافة المحل و الأدوات، لا تستحي، هذا من حقك.
سابعا/ أتاكدي من خفة و إحترافية اليد اللي تشتغل عليك.
ثامنا/ المتخصصة الممتازة دايما تعطيك نصائح ما بعد الخدمة، زي المنتجات يناسب بشرتك، نوع التغذية اللي يناسب بشرتك و هكذا.
تاسعا/ لازم تكون التجربة مريحة و هادئة، و ما يحطوك في غرفة مع قسم الشعر أو مع زباين ثانيين، لمنع تنقل الخلايا الميتة و بالتالي الجراثيم أو الأمراض.
عاشرا/ انسي همومك و انبسطي بالخدمة!!
اتمنى ان أعجبتكم هذا المقالة، و زي ما قلت، انا موجودة لأسئلتكم ان شاء الله، و إذا حبيتو تشاركوني أرائكم تابعوني أو اسألوني على الخاص.
شكرا يا حبايبي!!!