السلام عليكم ورحمة الله و بركاته
اليوم حبيت انزل لكم اشياء جربتها وصراحة شئ عجيب و انا ما احب انزل شئ الا وانا مجربته
اول شئ احب اقولو انا زمان كنت ما اشرب الموية نهائيا فين وفين اشرب موية حياتي كانت رايحة على مشروبات الطاقة والغازات انصحكم تبعدو عنها تمام :09:
اول شي جربت الموية انها تخلي الوجه صافي ومنور
ثاني شئ اشربي موية على الريق لاحظت انها تنظف البطن من الفضلات الله يعزكم
نجي لعصير البرتقال بصراحة جربتو بصدفة قلت لكم حياتي كانت كلها غازات صح بطلت بس ماصرت اشرب اي عصير جربت عصير البرتقال مرة بصدفة وبصراحة اعطاني نشاط مو طبيعي وانصحكم فيه
دي النصايح بنسبة للماء وعصير البرتقال حبيت افيدكم زي ما انا استفدت
قبل فترة في عضوة من العضوات نزلت موضوع عن المنتجات الي تصلح للبشرة الدهنية بس للاسف دورت على الموضوع ومالقيتو بس اتمنى انها تشوف موضعي لاني اشكرها من كل قلبي
طبعا المنتجات من شركة غارنيه اول شئ راح اتكلم عن خافي العيوب
بصراحة شئ فظيع والتغطية جدا ممتازة وماحسيت اني حاطة شي بس لاتكثري منو عشان لايعطيكي بياض فوق اللزوم :biggrinlo
ثاني شي محسن البشرة BB انا عن نفسي مسميتو اساس :booo: المهم ماعلينا
بصراحة التغطية جدا ممتازة ولا كانك حاطة شئ في بشرتك تغطية حلوة وبشرة احلى وكانك مو حاطة اي شئ على بشرتك ويبين البشرة طبيعية و الله يابنات عن تجربة شخصية بصراحة انا اكره الاساسات والاشياء دي بس بعد الاساس دا مستحيل اجرب شئ تاني وراح استمر عليه
ثالث شئ الي هوا غسول يومي مقشر
اكتر شئ عجبني في المنتج دا انو يخفف الدهون بشكل ملحوظ لاني اعاني من الدهون في منطقة الجبين والدقن و الانف ومنطقة الخدود الي قريبة من الانف وتحت العين :06:
والله يابنات كرهت وجهي من كترت الدهون بس بصراحة بعد استخدام المنتج الدهون خفت بشكل كبير تحسي بشرتك نشفت من الدهون
وجبت الكريم حق النهار والليل والغسول بس لسى ماجربتها :humm:
دحين نجي للجسم اشياء جربتها وعجبتني كتير للجسم
زيت جونسون للاطفال
طبعا مرة حلو للي جسمها في مناطق جافة لانه يرطب بشكل مو طبيعي وانا حبيت استخدمه لجسمي كمرطب يومي هوا وزبدة حبي من مكياجي وقيد نزلتها في موضوع هي وكريم المرطب من جونسون برضو مرطب خطير وينعم الجسم بطريقة فظيعة
شاور جل جونسون
انا عندي الي لونه ازرق اعتقد فيه منه تلاتة الوان بس الازرق حبيتو اكتر احلى شي في شاور جل دا يعطي نعومة للجسم ونعومة ملحوظة كمان حتى بعد ماتغسلي جسمك بالموية تحسي انو مااتغسل كويس من كتر النعومة الي يعطيها للجسم
وسلامتك دي كل الاشياء الي جربتها في الفترة دي وحبيت انكم تستفيدو معايا
