اشياء من ضمن الاهتمام تغفل عنه العرايس

السلام عليكم ورحمه الله

بدخل بالموضوع ع طول وبما ان عروس مثلكم ومنحاسه ومتوهقه بس حبيت افيدكم بنقطتين

طبعا اغلب العرايس تهتم بالتجهيز وبالخلطات والعيادات والحمامات وتغفل عن اشياء ثانيه
1_الاهتمام وقت الدوره ...عشان مايجيك خواء لان سبحان الله يبان ع الوجه ...اذكر وحده معنا بالجامعه بعد الاجازه جتنا متغيره ومصتصحه وجهها منور سالناها قالت والله ماستخدمت شي بس دوره ذي اهتميت فيها بقوه من بدايه لين انتهت وطول الفتره اكل اكلات شعبيه مرقوق وقرصان وتشرب حليب وحلبه واعشاب ....الخ
واذكر حرمه تقول اذا بغيتي الزين اهم شي سلامه الارحام
2_اكل غذاء صحي وعصاير ومكملات وفتامين طبعا كل وحده تبدا تجهيز احسن شي اول شي تسويه ..تحلل تحليل شامل وتحليل فتامين تشوف وش ناقصها وتعالجها لان غير عن انه يبان ع البشره والجسم انتي وراك مسووليه وحمل فلازم تكونين متغذيه زين
3_وهذي نصيحه لكم من اخت واحتسبها لله ,,,لاتنسون الصدقه كل ماطلعتي السوق لو شي بسيط ..وسويلك صدقه جاريه من مهرك فيه نصيحه قالتها احد الاخوات اشري كذا سجاده ومثلا نزلي وحده بالمشغل وبالمستشفى وبالمساجد او مثلا اشري لامك ولخواتك واللي عندهم يهدون الجدات والعمات والخلات تشري معاهم سجادات فيه بالهرم سجادات اشكالها حلوه ورخيصه ...وحتى ام زوجك من ضمن هديتها سجاده واللي يجي معها جلال وشكلها حلو وتكون لك صدقه جاريه كل من صلى ع لك اجر

وبسس اتمنى ان استفدتو تدعوولي ربي يسسر اموري ويسخر خطيبي ويشفيني ...واللي عندها نصايح وكماله للموضوع تتفضل وتفيد خواتها في الله