سلامااااات خيتووو وش هالأسلوب

ياليت تحسنين اسلوبك بالرد

مااحد طلب رايك قديمه ولا جديده

بعدين احنا عارفين انه فيه ميموري كارد للكاميرا


ماناخذ اللاب توب علشان الكاميرا مثلك




انا ماحبيت اتكلم معاك بهالأسلوب بس ردك هو اللي خلاني ارد عليه بنفس اسلوبك

بالنسبه للبنات اللي سألوا عن الفيش الدولي


تلاقونه عند ساكو

بقولكم وش فايدته

مثلاً الدول الأوروبيه افياشهم تختلف عن افياشنا بالسعوديه

مثال لو بركب الشاحن مااقدر لأنه الفيش غير

الفيش الدولي فيه فتحات مناسبه لغالبية الدول


ان شاءالله فهمتوا علي

لو عندي الصوره كان نزلتها

آآمين:26:

تسلممون عالردود والي لابيسافرون الله يوفقهم ويسعدهم

والي تقول قديمه واضح انها هي متزوجه ومن زمااااااااااااااااان وتشوف الناس مثلها قديمه بالزواج
مسكينه

هلا حبيبتي انا شفت موضوعك وكتبت ردي لكن انقطع الإتصال على حظي:p
بكتب لك قائمة بالأشياء اللي أخذتها أختي وصديقتي بشنطتها لشهر العسل
والأشياء اللي اتصلت علي أختي عشان اخذها لها بأول يوم زواج (يمكن كانت ناسيتها)
اول شي انا أأيد ان الشنطه تكون كبيره بصراحه هي سفـره شهر عسل او غيره انتي بديره ماهي بديرتك(خاصه للي بتطلع دول اوربيه او شرق آسيويه)
1- الشنطة تكون كبيره لاتضيقين على عمرك عشان تقولين مااحتاج ملابس لاتحتاجين ونص هذي الأيام اهم ايام حياتك الزوجيه وهي اللي بيتذكرها زوجك دايم
2- شنطة طقم مع شنطتك وتكون ميديم او سمول بس مو مره صغيره بحيث تكون معكم لاتقطينها مع العفش بالطياره
3-وشنطة صغيره بسحاب تلقينها عند ابو عشره تكون قمآش وألوانها مره حلوه ( هالشنطه للشامبوهات وعدة الحمام)
محتويات الشنط
1- الشنطة الأولى
فيها ملابسك اللي تبينها وبقول لك وش اخذت اختي
الأندر وير 30 فوق وتحت :)
عشآن الملابس اللي تنغسل في الفندق ماكانت ترجع تلبسها مره ثآنيه كانت تنشفها وتصفطها وتشيلها
فستانين ربيعيات
3 برمودات مع بلايزها
3 تيشيرتات قطنيه و2 جينز
و2 بنطلونات غير الجينز او 3
قمصآن نوم او بجامات ووحاولي ماتلبسين القميص او البجامه اكثر من مرتين
لان الغسيل صعب كثير هناك

روب حمآم
منشفه لوجهك
ووحده لجسمك وثنتين لشعرك
(واختي دقت علي بعد يومين وقبل ماتمشي بليله وطلبت روب حمام ثاني ولاأدري ليه)
شبشب حلوو ويكون فلات ولونه يناسب فساتينك وملابسك عشان تلبسينه بالوقت اللي تكونين فيه بالغرفه
مايحتاج تكثرين جزم (الله يكرمكم لانك يانايمه ياطالعه والوقت اللي تكونين فيه بالفندق تكونين لابسه شبشب من اختيارك مثل ماقلت)
جزمه للطلعه وتكون مريحه جداً جداً وحلوه لانك بتكونين لابستها دإيم
ومايمنع تاخذين ثنتين اذا حابه التغيير
فوط صحيه
لاتنسين شرشف الصلاة وسجادتك
اكسسوارك اللي تحبين (وطبعا اشياء بسيطه عقد ناعم او سلسال مو شرط ذهب بس عشان التغيير وبالنسبه لي انا ماأستغني عن الحلق وحتى ببيتنا احب البسه واقصد الأشياء الصغيره الكرستاليه او اللولو والله يطلع شكلك حلو)
ربطات شعرك ( صديقتي راحت كليرز وقشت من هناك تيجآن ومشابيك رووعه وكلها كوووول)
فرشآت شعرك
وعندها شنطة صغيره كانت جاية هديه بس مدري مع وشو مثل شناط المكياج اللي تنحط بشطنة اليد يعني اكبر من الكف بشوي عرفتوها؟!
شالت فيها ( اعواد أذاني + قطن زي حق المكياج + مشابك شعر ام ريالين{السودا} +ومسحات طبيه + ابره ومكره سودا ) اخذت شوي من كل شي
عبايه وشيلة ونقاب غير اللي عليها
وشراشف سرير ابو نفرين مع اكياس مخادهم ( صديقتي امها هي اللي ذكرتها ماشاء الله عليها وراحت ابو ريالين وشرت كثير لقتهم عنده ب15 بس مدري كم خذت معها بشهر العسل بس انتي تخيلي ماراح تنامين على نفس المفرش كل يوم ولاتسألوني ليه خخخخخخ
وقفلنا الشنطـه
2- الشنطة الثانيه
استشوارها وفيش كهرب دولي اللي يكون كبير وله فتحات من كل مكان ابو 3 رووس
سيروم للشعر اذا شعرك ينفش لانك مو دايم بتستشورين مو عشان كثر التسبح بس اوقات بترجعين تعبانه ماراح تستشورين شعرك فتسبحي وحطي عليه سيروم عشان ماينفش
او رغوة او جل انتي وراحتك
علبة مكياجها كبر الكف فيها قلوسين واصبع روج ومسكره وكحله وبلاشر وفرش البلاشر والشدو
علبة شدوو فيها الألوان اللي تحتاجها من مكياجي مو مره كبيره
شنطة البراون
عطرين ولاتكثرين عطور وانا أأيد تكثرين من الزيوت العطريه بهالفتره لانها تثبت حتى لما تتسبحين وماتفوح من جسمك حتى لما تطلعين لاتفكرين تتعطرين خلي التعطر اول ماتصحين بعطر مثل اسكادا او شي فيه فواكه على قولة البنات
ريحته قوية بس مو للسهره يعني رشه وحده تكفي وباليل اختاري عطر من العطور المثيره القويه مثل ديور وفري سكسي
كيس قماش من ابو ريالين للملابس اللي بتشيلها بعد الغسيل طبعا غسيل على السريع لانها ماتظمن غسيل الفندق
صابونة لليد
علبة العدسات فيها العدسات والمحلول ( مدري ليه ماخذتها بس ماعلقت وقتها <<:p)
مناكير لونين او 3 مدري ومزيل مناكير اخذت مناديل اسيتون اذا مالقيتي اخذي مزيل عادي
مناديل صحيه ولاتنسين تحطين في شنطة يدك كم حبه عشان المشوار ( طبعا هذي من عندي لاني والله ماحب اطلع بدونها فكاكت الزنقات خخخخخ
مقص ومبرد طبعا اذا انتي من اللي تهتم كثير بهالأمور بس المقص مره مهم
امواس للإحتيآط
كريم مرطب لوجهك وانا أرشح اولأي كريم الليل
ومن بدي شوب اخذي كريم العناية بالأقدام عشان الليل لانك بتحسين اوقات ان رجولك تشب نار باليل من كثر ماوقفتي عليها ويبي لك مرطب
(اختي دقت علي ووصتني بشرابين حلوين لانها كانت حاسبه حساب الكريم بس ماحسبت للشرابات عشان ماتخرب الكشخه بس شكلها تحسفت وتلاحقت نفسها هو اصلا مو منتبه لك اذا تسبحتي باليل بيكون بسابع نومه :)
واللي بتكشف تاخذ سن بلوك وتخلي هالشي على الدكتوره هي اللي توصفه لها احسن
أدوية ( مثل بندول وعلى حسب الأعراض اللي تجيك دايم صديقتي معها امساك مزمن واخذت حبوب كانت تستعملها واللي مريضه تاخذ احتياطها وتاخذ كل الأدويه اللي ممكن تستعملها لاتقول مو مهم ماتدرين وش يصير معك زيي انا لو كنت مكانهم باخذ كل أدوية الربو وهم 3 حتى لو مااستخدم الا واحد مايندرى
بنات كثير يقولون خذو كلينكس للجيب وجل للتعقيم وانا معهم بهالشي
لاني كنت اداوم بكلية بغير منطقتي وكنت اتغربل بالباص بس بعد ها صار مايطلع من شنطتي وارتحت فأكيد بتستخدمونه كثير وانتم مسافرين
وقبل نقفلها نجمع عدة الحمام تكرمون ونحطه بالشنطة الصغيره ونحطها بالشنطة الثانيه ونقفلها
3- الشنطة الصغيره ( عدة الحمام) تكرمون
شامبو شعر
شامبو جسم بإختلاف المسميات
بلسم مناسب
ليفة وماتكون خشنة كثير والقفاز حقت بدي شوب حلوه
فرشاة اسنان
معجون
غسول للفم طبعا ذا عشانك اسنانك مو عشان شي ثآني خخخخ
مرطب جسم بعد الحمام اللي تحبين اللي بيقول لك بيبي جونسون وانا أأيد جرجنز بزبدة الشيا ريحته روعه وممكن اذا حطيتيه بيدك تحطين معه قطره من الزيت العطري حقك وتخلطينهم مع بعض
وهذا يختلف بإختلاف الكريمات
بودره ممكن تكون تابعه لمجموعتك او تشترينها لوحده انتي حره ( افضل استخدامها على المناطق اللي تعرق مثل بين الفخوذ والأباط وتحت الصدر قبل ماتطلعين برى)
مزيل عرق اللي تفضلين وأفضل شي طبي يعني بدون رائحه لان المعطر دايم يسبب سواد للأبط
غسول للمنطقه الحساسه ومناديل من نفس الغسول والمناديل راح تحتاجينها كثير وانتي طالعه
وشفت مره وحده كاتبه عن الملح الخشن ممكن تحطينه بغرشة ماء صحه وتاخذينها وهناك صبي عليه ماء واستخدميه بس هالفكره من وحده من بنات المنتدى مش مني ولامن صديقتي ولااختي
فواحة ودوري اصغر شي واذا على شموع لاتنسين تاخذين كم حبة من ابو ريالين وكبريت او ولاعه خخخخخ مصيبه يشوفها الرجال ويفهم شي ثاني مالي دخل واخذي معها عطر وانصحك بسيتي بلازا زيوت الفواحات بعشره ريال وحلوه
وكل العرايس كانوا أزواجهم ماخذين كاميرات اللي ديجيتل واللي فيديو
ولاأدري اذا ناسيه شي بس اذا تذكرت برجع اعدل في الرد
ترى جمعت لك من كل اللي تذكرته وانتي طبعا ماقصرتي بس زيادة الخير خيرين
واعذريني اذا اضفت شي بدون اذنك
ونصيحه لكل عروس مع اني مااعرست لكن لاتجين باأول ايام العرس من اقصاك لاتتحمسين واجد وكل يوم بلوك وحركات لاحقه انتي حطي نفسك مكانه يابيمل ويقول كل يوم مبدعه بنفسها يايوم بتملين انتي وبيصير هو يقارن بينك الحين وحماسك قبل كل يومين غيري لوكك او بالأسبوع مرتين لاتستهلكين نفسك بشهر العسل كلكم بتملون بعدين ( هذي وجهة نظري وحبيت ابينها)
دعواتكم