اشيروا علي بالرأي (تصميم الفيلا)

اخت ريحانة التصميم حلو بس في ملاحظة بالنسبة للدور الارضي من الافضل ان يكون لغرفة الطعام باب اخر دون المرور لقسم الرجال حتى تضعي الطعام في حال عندك عزيمة او شي

وبالتوفيق :26: :26:

ريحانه ..


ان شاء الله تنزلون منزل مبارك يا رب .........
حبيبتي احنا تونا مخلصين بيتنا فانا عندي خبره بسيطه في المخططات ..
بصراحه عيوني المخطط فيه اغلاط كثير مره..
وصدقيني ماراح تنتبهين لها الا لما تعيشين في البيت وتجربين ..
نصيحتي لك ودي المخطط لشخص يعرفكوم ويعرف احتياجاتكم ويعدله على حسب الي تبون..

لكن عندي بعض الملاحظات السريعه ..

1- (مجلس الرجال ) كل المجالس محتاجه على الا قل جدارين متصله من غيرفتحات ..
لكن مجلسك لاحظيه فيه فتحات كبيره واسعه في اغلب الجدران .. ( يعني كيف بتصفين الكنب فيه ؟؟؟؟؟؟)
وهو اصلا صغير يعني المفروض تحافظين على الجدران الثلاثه متصله .....

نصيحتي ...

خلي مجلس الرجال مكان غرفة الطعام والحمام ... وجنب مجلس الرجال المدخل الرئيسي ...
وبعدين الحمام وغرفة الطعام يسار المدخل الرئيسي .. لكن نصيحه خلي الحمام اول قبل الغرفة الطعام ..
علشان تكون غرفة الاكل قريبه من مجلس النساء برضوه ...

2- مجلس النساء ماشاء الله حلو لكن الي يبغى يدخل المجلس بيقابله باب الحمام !!!!

نصيحتي ..

خلي مدخل النساء بين المجلس والحمام علشان الحمام يكون صاد مو بالوجه ...
وعلى فكره عتبة مدخل النساء ما خذ مسافه كبيره .. حاولي تصغرينه وتستفيدين من المساحه في الداخل ..

3- فيه جدار مقابل للمطبخ ماله داعي يعني لو تلغينه يكون افضل .. علشان يوسع المكان ..

4- لو تخلين غرفة الشغاله والدرج مكان المطبخ علشان ماتكون الشغاله في وجه الصاله ..
ومكانها تحطين المطبخ وتخلينه مكشوف يعطي جمال واتساع اكثر للبيت ..

هذي المنطقه هي الي ركزت عليها والباقي ما امداني عليه لاني مره مشغوله ..
لكن كان ودي افيدك علشانك تستاهلين وبرضوه ما ابغى تتفاجاين بشي مو متوقعته ..
ترى والله المخطط اساس كل شي انتبهي تستعجلين فيه ادرسي كل جهه وكل زاويه ..
واناشاء الله البنات مو مقصرين بالنصيحه ..


الله يوفق ويسعدك ..


:24: :24: :24:

انا أأيد الأخت "مفعوصه"
التصميم فيه أخطاء كثيره ، أظن التصميم يحتاج إعادة تصميم بالكامل....

اولا اعذروني على التأخر في الرد عليكم ...طبعا انتم عارفين المدرسات في الوقت هذا وانشغالهم بتجهيز الأسئلة.
الأخت : أبله عطيات : اقتراحك انتبهنا له بعد تنفيذ التصميم وتداركناه ولله الحمد ..مشكوره اختي وما قصرتي.
الأخت مفعوصة((بيض الله وجهك على دقة الملاحظة ))وانشاء نضعها في الحسبان...دعواتي لك بالخير والصلاح يارب.
الأخت وردة حلوة :اشكرك حبيبتي على المرور وانشاء الله نحاول الاصلاح بقدر الإمكان.
في الختام وين باقي الأخوات والمشرفات:06: نبغى همتكم معانا وفقكم الله .

السلااااااااااااااااااااااااااااااااااااام ..

كيفك عزيزتي ؟؟ شخبارك ..

بصراحة التصميم ما عجبني أبد ..

بس دامك توك ما بنيتي الحمد لله الحقي على عمرك و لا تتوهقين ..

عندي لك حل يا بعد عمري

ادخلي على الموضوع

من فيكم تبي تصميم حلو لبيتها و ابشري بالي يجيبلك التصميم على كيف كيفك ..

بس يبيلك تطولين بالك علي .. لأني ماشيه على الدور

و تعرفين زحمه و مذاكره الواحد ما يدري عن ظروفه .. بس انشالله باقرب وقت بحاول ..

و ابشري ..

ابطبع التصميم .. و ارسملك باليد .. مكان الأشياء الي لازم تتغير ..

مفعوصه والله انك سنعه:17:

و بنتظرك لا تتأخرين علي ..