اشيروا علي بخصوص البعثة والتاجيل

ما انصحك تكنسلين البعثة ..

التأجيل ما ادري يوافقون لك عليه ولا لأ .. ما يوافقون الا اذا عندك عذر قوووي جدااا مثلا مرض ومعاك تقارير طبية او حالة وفاة لاقدرالله..او شي مثل هالامور.. تكتبين خطاب للتعليم العالي يوضح مشكلتك وتنتظرين الموافقة.

اما اذا كنسلتي وقدمتي السنة الجاية ما تدرين وش يصير السنة القادمة احتمال تتغير الشروط ويرفعون المعدلات او تصير شهادتك قديمة بالنسبة لهم .. او يمكن يستثنونك لأن اسمك طالع قبل ..الله اعلم ماحد يعرف اي اخبار عن الشروط لحد الان.

لو تكنسلين البعثة هذا قرار جدا كبير وصعب ..خصوصا انه زوجك بيستقيل من عمله يعني خطوة جدا صعبة.


موضوع حملك هذا شي صار وانتهى وبارادة رب العالمين ما تقدرين تسوين شي.



بوسطن جداااا غالية ايجاراتها غالية وكمان راح تدرسين واطفالك صغار تحتاجون حضانات ..يعني حاولي تغيرينها من الرياض ان قدرتي

كلمي نفس المكتب اللي جاب قبول وادفعي له فلوس يجيب لك قبول غيره بدون علم الوزارة اسهل


اذا ما نفع الشكوى لله مالك الا تغيرينها من الملحقية بعد الوصول.




المهم لا تتحطمين كل الناس تواجه عقبات في بداية ابتعاثها.. مافي شي يجي بالساهل
ولسا بيجي كثير كمان .. لازم تكونين مستعدة لأن المشوار طويل وشاق بس اللي عنده هدف ما راح يخلي اي امور توقف في طريقه

اذا كنتي 10000% جادة بدراستك توكلي على الله والله يسهل .. وفكري في كل الامور الايجابية اللي راح تحصلينها بعدين.
كل الصعوبات بتروح بعد سنين واللي بيبقى لك هو نتيجة تعبك فقط


اما اذا كنتي شايفة نفسك مو مرة جادة بموضوع الدراسة وتدورين شي بسيط سهل مافيه اي صعوبات فالغي الموضوع من البداية وارتاحي.

عموما الاستخارة افضل شي في هالموضوع :)
موفقة

انا اشوف فرصه لا تعوض روحي وتوكلي على الله
بس عندي سوال انت متى قدمتي يعني الي اعرفه لسى مابدا التسجيل للمرحله السادسه هل يعني انتي مسجله من العام المرحله الخامسه ولسى مارحتي؟؟ يعني لو اسجل السنه الجايه ماروح الا السنه الي بعدها والا كيف ؟؟ ارجو منك انك تفهميني وانصحك تروحين وكل شي بيهون ان شاء الله

الله يسهل امورك ماعندي فكره
وحبيت اسال كم مكافاة المبتعث ومرافقه

اب اب اب

شاكرة لكم جميعا ردوردكم جزاكم الله خير

انا باستخير وربي ييسر الخير