حاولت اقتبس رد كل واحدة ردت علي واشكرها واعقب على كلامها بس من الصبح ماقدرت اقتبس مدري ليش يمكن من المنتدى
اشكركم كلكم الله يرزقكم ماتتمنون ويسعدكم ويرزق أطمح للأفضل الحمل السليم المعافي ويرزقها كل ماتتمناه
كل نصائحكم فادتني واللي تقول اجيب شغالة والله زوجي مايرضى لو اطير واوقع ماجاب لي شغالة
واللي تقول اجيب حلا ومعجنات من برا والله مايرضى زوجي يجيب اي شي من برا يقول سوي اللي تبينه في البيت ليش مو انتي حرمة مثل الباقي
وهذا اللي يخليني اشيل هم الضيوف لانه فوق التعب والعيال والطبخ ابي أصلح للضيوف حلا ومعجنات وغيره وابيض وجهي يعني تعب تعب الله يكتب الأجر
واللي تقول اقوم الصبح انا ماعندي وقت للنوم الا الصباح عيالي صغار ويسهروني الليل كله وارضع طبيعي الصغيرة كل شوي تصحيني ارضعها
ماعندي الا الصباح انام للظهر بعدها يصحى عيالي ويجي زوجي و غداء وشغل وحوسة مالقى وقت للنوم
احيانا اصيح وابكي من كثر الشغل ومالحق عليه وعيالي يحوسون البيت ولازم اكلهم بيدي وووو الله يعين بس


جزاكم ربي الجنة ووفقكم في الدنيا والآخرة

شوفي اكل البيت انتي وزوجك وعيالك استخدمي صحون وكاسات وملاعق واشواك بلاستك .. الاغلب يشترون كميات منها
هذي بتريحك كثير بغسل المواعين .. استخدمي وارمي .. يصير ماعليك الا تنظيف القدور والصحون االلي حق الاكلات الثقيله ...
وغسـيل الملابس مره بالاسبوع واشتري غساله مواعين بتريحك بالمستقبل قوليله ماتبي تجيب شغاله عالاقل جيب لي غساله مواعين ولا ساعدني بالغسيل
والتنظيف حاولي تخلين عيالك يساعدونك او مايوصخون قوليلهم للي مايوصخ بعطيه لعبه ولا حلاوه ولافستان ع حسب اللي يحبونه
وااذا تعبتي خليهم يساعدون شووي ويتعلمـون النظافه اي شي يرمونه خليهم يشيلونه خلي زباله صغيره بالصاله يرمون وصخهم فيها
ولاتخلينهم يحوسون كل الاماكن قفلي باقي الغرف ... وطفي اللمبات
لازم قبل النوم ترجعين كلشي مكانه وتنظفين وتنامين عشان لو قمتي يكون كلشي مرتب ..
والضيوف قبلها بليله رتبي كل شي والحلا عندك انواع


اخذي بسكوت دايجستف ولا اي بسكوت اطحني منه كميه وخليه بعلبه تنفعك
وخذي الكاسات الصغيره .. حطي شوي بسكوت مطحون والطبقه الثانيه دريم ويب وقشطه حبه وحده .. اخلطيهم بالملعقه وحطي شوي فوق البسكوت
الطبقه الاخيره تقدرين تسوين اي شي يعني تنوعين
مره حطي البلوبيري حق الشيزكيك تلقينه في بنده وغيرها بيصير شيزكيك كاسات
ومره تقدرين تحطين جلكسي مذوب مع قشطه او مع سنكرز او اي اشي
ابتكري من راسك عادي ..
ومرات تقدرين تاخذين كيك الرول ولا المربعات عادي اي نوع كيك بالشوكولاته وقصيه بالسكين حطي طبقه كيك
وطبقه الدريم ويب والقشطه .. والطبقه الاخيره تقدرين تحطي فليك مفتت عالوجه ولا تفتتين كيك كزينه
ولا هيرشي ككاو ولا تذوبين شوكولاته مع قشطه وتخلينها عالوجه
وفي بسبوسه الطازج سويتها سريعه ولذيذه وتعجبهم دايم
كاس سميد
كاس سكر
كاس حليب بودره
ملعقه صغيره بكنج بودر
اخلطيهم بعدين حطي بياله زيت وقشطه حبتين2
وادهني الصينيه زيت ورصي الخلطه
بلمعقه وبعدين حمريها من تحت وفوق


وصبي هالشيره عليها لاستوت
قوطي حليب بوني او بوقوس ولا المراعي المهم قوطي السايل ومعه بياله سكر ( بياله الشاهي)
واخلطي وخليه يستوي على نار هاديه اول مايفور شوي شيليه انتبهي يحترق
وصبيه عالصينيه وحطيه بالثلاجه

• يختي عادي انا اول ماتزوجت عجزت اظبط الملح لدرجه اخلي زوجي يملح الاكل ويدوقه
• وحتى المقايس اتلخبطت معي واللحين اعزم واتفنن بالطبخ فيه حسابات بالانستقرام وحده اسمها الحنين طبخاتها تجنن وسهله مرره وسريعه
• وحاولي تجيبي غساله صحون جمعي لها تشيل نص غثاء المطبخ و
• ومجلس الحريم نظفيه بالليل وصكيه ومطبخك اذا جو ضيوف قفليه وحطي كل شي بالسفره مره وحده عشان مو كل شوي تروحين للمطبخ وتتركيهم
• وخلي لكم صاله جلستكم واكلكم ولعب عيالك فيها والباقي لا تجونه الا وقت النوم قفليه

حلا وميشو ربي يسعدكم ويرزقكم باللي تتمنوه
استفدت كثير منكم ومن ردودكم الحلوة
المشكلة في الوقت يمر بسرعة ولا الحق على الشغل
وكل شي يبي له وقت في النظافة
مثل الحمامات اكرمكم الله
تاخذ على الأقل ساعة او ساعة الا ربع
والغرف كذلك يبي لها وقت
وكل مابدات اشتغل واتحمس صاح احد من عيالي
اللي يبي تغيير واللي يبي ينام واللي بياكل
والا يناديك زوجك يبي طلبات عاد ساعتها اذا تركت الشغل صعب ارجع بنفس حماسي الأول لان حيلي انهد من طلبات العيال والزوج


الله يفرجها علي وعلى جميع المسلمين

بكم غسالة الصحون؟