اش اسوي في هالحاله

بنات في قريبه لي تحبني وانا بعد احبه كنا خوات واكثر بعد وعلاقتنا اروع مايكون..
هي بها الفتره حامل ..وتعبانه وحالتها حاله ..وهي مرره تحب ذوقي في لبس وكذا مرره لبست ع ذوقي يعني لو اقول لها البسي كذا تلبس..
انا قلت ها المقدمه عشان تعرفون قد ايش علاقتنا قويه وقد ايش هي عندها ثقه فيني
الي صار انها ارسلت لي فلوس مع وحده وقالت اعطيها ام فلان الي هي انا ..انا قلت للبنت الي عطتني الفلوس حق ايش هذا الفلوس..قالت فلانه ارسلتها معي وقالت اعطيك هي وبعدين هي بتكلمك وتقولك ليش الفلوس..
الي صار انا بعد ماطلعت من عندي هذا البنت ..رحت ودقيت ع قريبتي وقلت لها حق ايش الفلوس الي ارسلتي ..قالت يافلانه انتي تعرفين اني احب ذوقك بلبس والفلوس رسلتها لك عشان تنزلين السوق وتقضين لي ملابس ع ذوقك..وارسلي الملابس مع خوات زوجك اذ رجعو..
انا انحرجت مررره منها ماودي اردها ..وبنفس الوقت المبلغ كبير ...وانا بها الايام متزعله مع زوجي ولا نكلم بعض ولا بينزلني السوق واحنا متزعلين ..وخوات زوجي باقي 3 ايام ويسافرون ..وطبعا مستحيل اقول لقريبتي اني متزعله مع زوجي..وهي تبغى اقضي لها وارسلها بسرع وقت ..
بلله كيف اتصرف الحين ..لاتقولون راضي زوجك عشان ينزلك سوق ...زعلي انا وزوجي مرره كبير ولا راح اذل نفسي له يكفي المذاله الي حصلت منه..
والله احس اني بورطه ..ماقدر اعتذر منها لان هي حامل ولا تقدر تنزل السوق وزوجها في دورة عمل ومسافر برا وماعندها اخوان ينزلونها السوق..واحس مرره احراج الو اعتذرت منها عشان شي تافه كذا .هي ياما قدمت لي خدمات بدون مقابل..بس الورطه اني متزعله مع زوجي ..وماعندي احد ينزلني السوق الاهو..