اهله مو عيال صغار ويخاف عليهم يضيعون

انتي تخدمينهم وهذا شي منك طيب بس اذا هم ما قدروه فالاولى لك انك ماتسكتين


هم مو مرضى او معاقين علشان يحتاجونك كثير يعني زي ماتقولين يقدرون يستغنون لا تخافين ما راح يموتون جوع

انتي اغنيتيهم عن الخدامه ( على الاقل الخدامه تستفيد فلوس واحترام )

وانتي ما اخذتي الا السب والكلام الجارح وقلة الاحترام

والي ما يقدرك خليه على جنب

للأسف هم الي خسروك المفروض يحمدون ربهم فيه زوجة ولد تنازلت عن شقتها علشانهم وتخدمهم

وشايلتهم وسط عيونها وساكت وماقلة احترامها عليهم ولاتكبرت وتمننت عليهم بخدمتها وتحملت الكلام الجارح

والاهانة والسب والله انهم رفسو النعمة برجولهم



واذا بيرجعك (ويحمد ربه انك بتوافقين ترجعين)


اشرطي عليه انك في شقتك ويعدل بينك وبين اهله مثل ما هو مسؤل عنهم

ويشوف طلباتهم فهو مسؤل عنك

واذا رجعتي لاتسكتين عن اي خطأ يحز بخاطرك علشان ما يتعودها

ترى الرجال يحبون المراء الي شخصيتها قويه يضيعون قدامهم بس مايحبون انها تكون زوجة لهم

لانهم بيكونون ضعيفين قدامهم وهم يبون الي يدوسون عليها ويمشون وهي ساكته

وهذا للأسف ما حصله زوجك عندك

ما عليه يا اختي على هذا الكلام بس انا ابي اقولك شي يحرك مشاعرك تجاه نفسك وتعرفين انك مو رخيص ابداً

اعرف ان قرأت هذا الكلام شي مؤلم

لكن هذا الواقع الي انتي فيه انظري اليه من خلال هذه المشاركات والرسائل بتحسين انك سكتي كثيييييييير واعرفي ان هم الي خسروك


كلمة ::: ترى الي يحترم نفسه ولا يسمح لأحد يغلط عليه ويأخذ حقه

الناس تحترمه وتحسب الف حساب لأي كلمة يقولونها

بس انتي سكتي وعلى بالك سكوتك احترام لهم

^

^^

وهذي النتيجة

طمنينا عليك اول بأول

اخيتي بالفتره هاذي ألحي بالدعاء والاستغفار بنية ان الله تعالى يسخره لك هو واهله وخليك واثقه ان رب العزة والجلال لن يرد يديك صفرا وخلي ايمانك بربك قوي وابشري بفرج ربي لك.

جزكن الله خير اخواتي

اختي bnt 511 roq

بالعكس كلامك حرك فيني كثير

وانا محتاجه احد يصحيني من الي انا فيه والطيبه الزايده

انا متاكده ان امه واخواته بيقولوا عني الحين والله زين صايره تزعل عند اهلها والله حركات يافلانه

من غبائي وطيبتي الزايده

مااقول الا الله يحرم وجيهكن عن النار لكل من رد وتفاعل معي في محنتي

وجبر بخاطري لو بكلمه

وانا الان مثل مانا عليه عند اهلي

لااتصل ولا ابوي اتصل عليه

جزاكن الله خير

الله يكون في عونك

ويفرج عنك

الله يعينك ويصبرك انا وهم بعيد عني ماخلوني في حالي بس يحشون ويعبون راس زوجي على كيف لو اسكن عندهم كان جننوني مع ان امه تطلع عمتي اخت ابوي فيها غييييييييييره بشكل موطبيعي مع اني مابين لها واراعي شعورها وهي كبيره عمراها 70 وكل ماتودد لها واحن عليها اتزيد قساوه فصرت ابعد واكون رسميه شوي واحث زوجي يواصلها اصلا زوجي طيب معاهم بس الله يكفيني شراها واداها