من اول ماتزوجت ما ارتحت ولاتهنيت في زواجي وكثير ناس قريبين منى قالوا حصنوا نفسكم انتوا محسودين من ناس نعرفهم وللاسف قرايب لنا برضه ............................................ ماعلينا نجي للقصة
من اول يوم زواج وقبل الزواج وانا اقنع في زوجي ياخذ لنا فندق ليوم او يومين كتغير ونتعود على بعض قبل مانروح بيتنا ورضي واخذه اخو كهدية منه وكان في مكه وكنت اتمني اخذ عمره وهو وعدني اول اسبوع ناخذ عمره ولنا الان 9 شهور متزوجين ولا نفذ شرطه وهذا اول نكث بالوعد
عديتها له وقلت يعوضنا ربي مع الايام ونسوي عمرة
واول يوم بعد الدخلة والاخ ماعنده سياره اتصل على اخوي علشان يشتري له دخان لان الاخ عريس ومافكر يشتري وقلت له نروح عند اهلي مدام احنا قريب منهم ؟
قلي : لما يجي اخوكي وادخن نروح ونجلس للساعه 10 ونخلي اخوكي اللي هو متزوج اخته يرجعنا ونسهر للفجر وفررررررحت وجاء اخوي ورحنا عند اهلي من الساعه 3 قبل العصر ومااذن العشاء الا هو يقولي يالله نرجع الفندق واخوكي وزوجته وولدهم الصغير معنا وهذا ثاني نكث بالوعد
رحنا غرفتنا في الفندق والمفروض هو يقول يالله عازمكم على العشاء كلكم والمطعم في نفس الفندق
لما خرج بيدخن قلت له : اش رايك نعزم اختك واخوي للعشاء في الفندق وقلي ماعندي فلوس
اما عريس ومافي جيبه الا 10 ريال بس سكت ودخلنا ولقيت اخوي يقول يالله ننزل المطعم عازمكم
هنا اتصاغرت عمري زوجي ولاقادر يصرف عليه واخوي هو اللي عزمنا عديتها له بيني وبين نفسي بس قلت لما نروح بيتنا يصير خير
المهم جاء يوم خروجنا في الظهر وقبل الظهر اتصل اخوي المتزوج اخته وقال احنا جاينكم نوصلكم بيتكم وكمان زوجتي تبي تشوف امها والله العظيم مو علشان تشوف امها الا عارفين ماعنده سيااااااااارة
واول ماوصلنا وبعد العشاء قلت له : هذا مو حل ؟
كل ماابي مشوار يااخواني يودونا او تاخذ سيارت اخوانكم ابي سيارة ملك لنا وكانت عليه قسائم ب1500 ريال وقلت له : مستعده اساعدك في القسائم لانه كان يشتغل في شركة احيان شهرين او 3 او 4 بدون رواتب وقلي بكرة اروح اجدد الرخصة والاستمارة حتى اخوانهم وهم 3 بس اللي يشتغلوا 2 قالوا له روح جددها واحنا نساعدك في الفلوس
يعني من يوم تزوجت ماتهنيت في مشوار لوحدنا مع بعض واذا قلت له يالله نخرج تعذر بميه عذر بس اذا ابغي المستهلك اقضي للبيت ماعنده مانع واذا ابي اروح السوق اشتري ملابس ماعنده مانع بس بشرط نروح بعد العصر مباشرة مع الشمس والحر ونرجع قبل المغرب اهم شئ قبل المغرب
واليوم حصلت قصه ابي اخذ رايكم فيها انا غلطانه في تصرفي واللي راح اعمله والا لا
اليوم لما جاء من العمل قبل العصر قلت له طفشانه ليه اسبوع ماخرجت ؟
وعارفه ماراح يرضي الا اذا قلت له السوق او المستهلك (ديمه)
قلت له : ابي اروح المطعم نتعشي الليلة على حسابي وعازمتك واختار المطعم اللي تبغاه نروح مغرب ونرجع قبل العشاء ؟
قلي : لا نافيه حيل تعبان وانا عارفه لو اتصل عليه اي واحد من اصحابه او عيال عمه يروح معهم انا طز فيه
فكرت ان الزباله (وانتوا بكرامه حقت البيت امتلات ) قلت خلينا نروح نرميها ونروح ديمه افضل عالاقل طلعه
المهم قلت له : ابي ديمه
قلي : طيب مامعي الا 200 ريال يعني افهمي ياهبله لاتكثري مصاريف البيت
قلت : طيب عادي
رحنا وتقضيت للبيت بمبلغ 150 ريال ورجعنا
والمفروض هو تعبان جائ من العمل وراح ديمه والا القي الاخ ماسك جواله واساله على مين تتصل : قلي اتصل على ولد عمي اذا فاضي بروح ادردش عنده وانا تصير عيوني كذا
وبعد المغرب جيته بالحنية والرومانسيه وبعد مااخذ حقه الشرعي قلت له : حبيبي احنا الليلة هذي مميزة عندنا علشان كتب الكتاب صار في هالليلة وعازمتك برا على احلى مطعم نتعشي ونرجع
قلي : لا مانبي نروح بكرة يجون اهلك ونطلع كلنا
قلت له : انا ابغي انت وانا لوحدنا
قلي : لاتحلمي اليوم نطلع
قلت : طيب وانا مقهوره
المهم زي العاده اخذ لاب توبه وراح المجلس بعيد عني وجلس يسمع اغاتي وفجاءة القي امه جات وسالتني وين زوجك
انا تفاجات امه ولاعمرها طلعت عندي بعد المغرب
قلت : هناك في المجلس ورحت معها والقاها تقوله : يالله ياوليدي نطلع انا وانت وحرمتك برا نتعشي ونرجع وعلى حسابي العشاء (امه حست بالطفش وهي انسانه كبيره كيف اللي زيي)
رفض زي مارفض اقتراحي وامه زعلت منه ونزلت بيتها وانا زعلت وجاء بيراضيني وانا ماقبلت رضاها واخذت فرشتي ورحت الصاله علشان انام لوحدي وقلي: فين العشاء؟
قلت : سويلك اذا تبي
وانا كنت اكل في توست من الدموع والقهر وهو جالس يضحك ويتريق ولاهمه شئ ماقدرت اكمله وحطيته بالزباله
المهم قبل شهرين زعلت منه على اساس انه ابغي يشتري سيارة وهو رافض والقصه
كان في البدايه مجمه 23 الف ريال وقلي بشتري زي سيارت اخوكي مع ان موديلها قديم بس كانت 26 ريال وصبرنا وجمعنا الين صارت معه 30 الف وقلي غيرت راي السيارة اللي ابغها ب50 الف ريال وصبرت ولكنن في النهايه انفجرت وقلت اشتري بنص القيمه سيارة جديده والباقي نمشي حالنا به وهو رافض حاط في باله سيارة معينه وانا ابغي صغيرة وهو رافضها
المهم بعد ماعرفت انه ماراح يشتري سيارة وحطوا في بالكم انه ماجدد رخصته ولا استمارته
اتصلت على شخص يفهمني من صوتي وقلت له : بليز ياخال تعال رجعنى مكه
المهم هو حس انه زعلان ومااعترف بغلطه
رحت عند اهلي وارسلت له رساله : اني ماراح ارجع لك الا اذا اشتريت سيارة ملك خاصه فيك واتفاجاء بعد يومين من الرساله اتصل وقلي : خلاص صار عندنا سيارة ملك
قلت : مايمديك تشتري في هاليومين
قلي: اخوي بيشتري سيارة واعطاني سيارته وبكرة ابجيكي ارجعك وبعد بكرة اروح اسوي الرخصة بس اخوي طلب نمهله اسبوعين علشان يخلص اوراق سيارته الجديده
انا هنا فرحت وقلت : شهر نمهلك اخوك مو اسبوعين
ومر على هالموضوع اكثر من شهرين او 3
الخلاصه :
اهلي بكرة جايين عندي زيارة وافكر اروح معهم ولا ارجعله الا اذا اشتري سيارة مو يضحك عليه زي المره السابقه ؟
هل تصرفي صح والا غلط
وهل اقول لامي علىالقصه وانها تساعدني والا اسكت
الي فهمت انك انتي الي عودتيه على كدة لو من الاول كنتي صارمة معه ما صار الي صار لان الرجل هو كلمته
مو اليوم كلام وبكرة كلام
سالفة انك انتي تعزميه وانتي الي تدفعي برده خطأ في خطأ
لان زوجك مو حمل المسؤووولية بكدة تعوديه على انك تدبري عمرك
انتي المسائل الي المفروض تزعلي عليها
تمرريها له
اما سالفة السيارة ما تستاهل من وجهة نظري
لا يكلف الله نفسا الا وسعها
هومورافض يشتري بس يبغا يشتري شيء احسن
بس نصيحة خلاص اصبري يمكن يتعدل
وادا تبين تحكين عادي احكي لامك وشوفي وش تقول
هي الي تنصحك
ودامه يا قلبي كسف امه الي هي امه
اجل خلاص اتحمليه
الله يسعدك ويصخر لك زوجك
وسامحيني جاوبت على قد فهمي للموضووع