اش افضل تتخيطي بعد الولاده والا لا تعالي اقلك

عزيزاتي وخو اتي بنات عالم حواء

من زمان مادخلت قسم الحمل والولاده لاني تعقدت من الحمل جبت اثنين ورى بعض بس الحمد لله على كل حال المهم شدني كلام بعض البنات في هذا القسم الي تقول ليه ماخيطوني بعد الولاده والي تقول المستشفى الفلاني مو كويس مايخيطون بعد الولاده وغيره وغيره قلت لازم اوعي خواتي لهذا الموضوع لاني كنت زيهم في يوم من الايام لين وعتني دكتوره لهذا الموضوع صح اني اتهزاءت شويه على اسالتي بس يالله عطتني معلومات ريحتني كثير واليكم القصه

اولا لازم نتفق انه فيه خياطه تجميليه وهذي غير الخياط الي بتكلم عنه انا اتكلم على الخياط العادي الي بعد الولاده الي كل مستشفى تسويه ثاني شي

البكر لازم خياط

القصه انه بعدماولدت ما سولي خياط رحت مراجعه بعد الاربعين قلت للكتوره ليه ماعملتم ليه خياط قالتلي ليه خياط مايحتاج قلتلها بس يقولون الخياط افضل عصبت علي قالت مين الي قلك قلتلها الحريم عصبت زياده قالتلي يا هذولي الحريم قالتلي صحيح الخياط كويس بس هذا وقت مايسولك توسعه شق يعني وهذي التوسعه يعملوها في حالة احتاج الامر لها وفي حالات ماتحتاج فيها الحرمه للتوسعه فبتالي ماتحتاج للخياطه فهمتم يعني الخياط للي يسولها توسعه والخياط يكون قد الشق فقط كبير الشق يعني الخياط كبير صغير يعني صغير لانه فيه بنات على بالهم يضيقولها المنطقه بس همه يخيطون قد التوسعه فقط فلازم يخيطون سوا في مستشفى حكومي او خاص اذا سو توسعه فلاتقولون مابااروح المستشفى الفلاني عشان ما يخيطون لانه اذا ماخيطولك يعني ولدتي بدون توسعه وهذا الافضل
طيب نكمل قلتلها طيب اش افضل الي تسوي توسعه ويخيطولها والا الي مايسولها توسعه وما يخيطولها (ذكيه صح
قالتلي اش احسن الي يشقولهاوالا الي مايشقولها يااختي الي تولد بدون توسعه افضل عكس الي دايم يشقولها في كل مره تصير عضلات المنطقه مهي قويه
وانتها التحقيق على خير
الحمد لله ماانضربت ولاشي:icon28: بس اخاف مااسلم منكم لاني طولت عليكم
حبيت اقلكم عشان تستفيدون وما تزعلون اذا ما سولك خياط واذا سولك كمان لاتزعلون لانهم يرجعونه زي ما كان وان شاء الله كله باجره