اش الحل مع زوجه اخويه

ي بنات
اخويه من ابويه قاعد يعمر بيته
حاليا لهم سنتين ساكنين عند امي
البيت بيت ابويه وابويه متوفي الله يرحمه
طبعا كلنا نورث البيت ذا ماقسمنها خلينها بيت للكل
بس تعالو شوفو تصرفات زوجه اخويه
عندها بنت عمرها سنه ونص
ماتشتغل بالبيت ابداااا
لمن امي تطبخ تطبخ للكل بس هيه واخويه ماياكلون ابدا
امي تناديهم مايجيون اكثر من مره
اذا جات الوجبه تقوم هيه تطبخ لها ولاخويه
فخلاص صار النظام امي تطبخ لنفسها وهيه تطبخ لنفسها ولاخويه
اللي يصير ي بنات تطبخ وتسوي اكلات الف صحه وعافيه
بس ماتنظف المطبخ بعدها ولاتغسل المواعين بعدها
هيه نظامهم تنام الظهر وتصحى 11 اليل
امي نظامها تنام 11 اليل وتصحى 10الصباح او الظهر
يعني امي وزوجه اخويه مايجتمعون بالمطبخ ابدا
لان كل وحده لها نظامها في النوم
امي واحلف ايمان مغلظه انها ماتخلي شي وراها تنظف الفرن بعدها تغسل مواعينها تمسحها ترتبها في الدولايب زبايل تشيها
نجي عند زوجه اخويه تطبخ تطبخ ولا يمكن تغسل بعدها
ب البدايه امي تغسل وراها وتنظف بعدها كل شي كانت حامل ولدت وقامت بالسلامه وبرضى نفس الشي ماتعدلت قلت يمكن لو كبرت البنت تتعدل
تعدلت البنت وكبرت وانتظم نومها
وبرضى ماتنظف بعدها
امي لها حمام خاص
ماتدخل حمامها
ريحه حمامها يفوح بالبيت وسخ لابعد حد
بنتها تاخذ الالون وتشخمط بالجدار ولاتمنعها ولاتنظف بعدها
امي تضطر تنظف بعدها
امي يجونها جيران جماعتنا اقاربنا
بيتنا وسخ وسخ
كله منها ومن بنتها والله لنا سنه محد دخل بيتنا امي ترد الناس وتتعذر منهم من الوساخه والقرف
زوجه اخويه تعطي بنتها حلويات وشبسات وتوسخ الفرش كله
وتخليها براحتها
تاخذ ارواج مناكير وتوسخ البيبان الفرش الارضيات الدولايب ولاتنظف بعدها تخليها براحتها لين يجي وقت نومها وتنام طيب ووساخه بنتك مين ينظفها ؟
بقول لكم موقف
امي مره كانت صايمه وهيه قامت بدري ووسويت غدا
اختي اتصلت ع امي قالت تعالي افطري عندي واقعدي معايه كم يوم راحت امي وجلست اربع ايام
وبعدين رجعت اابيت امي تقول اول مادخلت ريحه كرررريههه مشيت دخلت المطبخ
لقيت مواعين ياكثرها الرف المجلى الفرن الارض كلها موواعين وسخه ! متخيلين بنات 4 ايام ماغسلت مواعنيها ! تقول امي ناديتها هيه واخويه وكلمتها غسلي مواعينك قالت انا في بيت اهلي ماعمري غسلت تبغيني اغسل هنا ! ماني ملزومه ! واخويه موجود ولا تكلم
وراحت امي غسلتها !
بنات نجي للحق هيه ملزومه صح ؟ ماطلبنا منها تغسل مواعين امي بس مواعنيها هيه واخويه وبنتها وتنظف مكان جلستها هيه وبنتها واخويه صح ولا انا غلطانه
للعلم بنات امي ترى جددا ملتزمه ماتطالع في التلفيزون دايم بغرفتها وزوجه اخويه وبنتها دايم بالصاله ومشغلين طيور الجنه 24 ساعه
ف تتضايق امي وتجلس بغرفتها
انا حكيت لكم الوضع بالتفصيل
عشان تكونون بااصوره
هل ملزومه تغسل مواعينها ومواعين زوجها ولا ؟؟
ولا امي هيه اللي ملزومه
للعلم هيه مو ضيفه هيه مستقره لها سنتين عندنا
ولسى كمان بتجلس لين ينتهي بيتهم والله اعلم متى يخلص بيتهم
هم كانو سكانين بمنطقه بعيده ونقلو عندنا وجلسو بالبيت بالبدايه امي تخدمهم ع اكمل وجهه وتقدرها بس بعد كذا اخذتها حلى!
وتنادني صديقتها ويسمرون عندها ويدخلون المطبخ يطبخون سوا والله مره سووا ورق عنب ومره كيك ويسمرون لين وقت متاخر ويزعجون امي سماعات واغاني وماتنام امي من الازعاج وتقوم امي بعدين تلقى المطبخ كله وسخ منها ومن صديقتها ! ماتغسلها صارت امي تخلي المواعين ايام ننتظر يمكن تحس ع نفسها وتغسلها ولا يمكن تغسلها !
تضطر امي تغسلها
للعلم ي بنات امي ماتاكل اي شي من اكلها ابدا اصلا امي عندها سكر ماتاكل اكلها مرره
اخواتي كلمو اخويه قال هذا شغل حريم مالي دخل
كلمو زوجته تقول طيب طيب طيب وتسوي اللي براسها !
فكرنا نجيب غساله مواعين
بس اولا امي مطبخها ضيق وكله دولاب صعب نكسر ونهدم عشان حضرت زوجه اخويه ماتغسل
ثانيا امي عندها ضعف نظر ولاتعرف تقرا والغساله تعرفون تحتاج ازارر ومدري ايش صعبه ع امي مره
فكرنا نجيب شغاله بس اخويه رفض يدفع راتبها (طبعا قلنا له الراتب نص عليك نص امي رفض)
مو معقوله نجيب شغاله وامي تدفع راتبها عشان تنظف وسخ زوجه اخويه !
فكرنا نجيب شغاله بالساعه برضى رفض يدفع راتبها
فكرنا نكلم ام زوجه اخويه بس اكيد بتكبر السالفه ويمكن اخويه يقاطعنا
الحل الاخير عندنا
ان امي تطلع من اابيت ونستاأجر لها شقه مفروشه
لين اخويه وحرمته تخلص عمارتهم ويطلعون
بس والله بقلبي قهر اخلي بيت كبييير وملك ل زوجه اخوي
وامي تطلع لشقه مفروشه ايجار !
بنفس الوقت اقول طز بالفلوس اهم شي راحه امي


معليش طولت بس مقهوره وحزينه ع امي
انا واخواتي متزوجات
ونجي عند امي من فتره لفتره
والله ثم والله اني جلست عند اهلي شهرين
انها خلال هالشهرين ماغسلت فنجان!!!!
طبعا ي بنات انا لمن اقصد غسيل مواعين نهائيا ماقصد مواعين امي ابدااا امي اصلا تغسل اول با اول
انا اقصد مواعينها هيه
وانا لمن جيت عند اهلي اغسل مواعينني ومواعين امي وانظف بعدي واخواتي مثلي بس هيه لا متخيلين تقوم اخر اليل تسوي كبسه اصحى الظهر القى ريحه المطبخ دجاج وقرف القى جلد الدجاج ع المجلى من امس !!! ومواعنيها بكل مكان ليتها تحطها بالمجلى !!


وش الحل وش نسوي معها !!!
نطلع امي بشقه !!! طيب مو قهرر هيه تسكن ب بيتنا وامي الي تدفع وتخسر !!
احنا ي بنات مانقدر نطلع اخويه له نصيب من البيت
ولا نقدر نبيع البيت وكل واحد ياخذ نصيبه