اش تسوي لو عشقت إنسان ما هو من نصيبـك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه ؟!
و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه
كل دربٍ يرحل بطيفه .. على وجهك يجيبـك
كل حرفٍ يُكتب لغيره .. تحسه منكتب بـه !!
كن كل عيـون خلـق الله عيـون ٍ لـه تذيبـك
تنثر إحساسك جمر ملح وْعلى جرحك تصبـه
و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه
ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه
وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!
مما راق لي..
ثمارو @thmaro
عضوة فعالة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️