اش تفسيرلكم لهذا الموقف؟ لايكون فيلم هندي

السلام عليكم
بنات صار لي موقف ما ادري بصراحه له معنى او صدفه
امس كنت اسمع شريط للدكتور الشيخ خالد الجبير
كان يتكلم عن قصص واقعيه حدثت لبعض المرضى الذين لا يرجى شفائهم و لكن بقدره الله سبحانه و تعالى شفوا من مرضهم و كان شئ لم يكن
وتكلم ايضا عن قصص الرقيه و كيف ان ناس كثيره كانت مصابه بالعين او السحر و طلب منهم قرائه سوره البقره في قيام الليل
المهم هذا الشريط لصديقه امي و قد قمت بتسجيله من طلب امي و اثناء التسجيل كنت اسمع مقتطفات منه
بعد الفطور و في المساء رجعت و سمعت تقريبا كل الشريط مره ثانيه

بعدين رحت الانترنت و فتحت التلفزيون و بعدين دخلت امي و اخوي غرفهم و ناموا و بعدين تقريبا الساعه الحاديه عشر و النصف قررت ان انام و اطفئت الكمبيوتر و بعدين ضبط ساعه الفيديو علشان يسجل فيلم كرتون و في تلك الاثناء كان يعرض على نفس القناه قرائه قران المهم ضغطت زر التسجيل و اطفئت التلفزيون و النور و تركت لمبه صغيره بس مضيئه
المهم رحت الطابق الي فوق و مريت على غرفه اخوي و كلمته و رحت غرفتي

بعد مادخلت سريري شعرت ان المنزل مظلم فقلت خليني اشعل لمبه في مدخل المنزل لاني اكره البيت لما يكون مظلم او بالاحرى اخاف :11:
لما رحت مدخل البيت والي هو قريب من غرفه اخوي سمعت صوت في الطابق السفلي فتوقعت ان اخي الكبير رجع فناديته و لكنه لم يرد فنزلت لاسفل و بصراحه للحين ما ادري كيف جاتني الشجاعه اني انزل :o
المهم لاقيت التلفزيون مقتوح. نظرت في الطابق اشوف اذا اخوي موجود فمالاقيته المهم طفيت التلفزيون و جررررررري على فوق
طبعا حالتي في الويل كانت و نمت و نور بغرفتي مشعل :06:
اليوم الثاني يعني اليوم قلت لامي اش صار امس و قلتلها اش برايك حرامي ام ... اعو بالله من الشيطان الرجيم (فهمتوا قصدي) بس مساكين مالاقوا غير يشوفوا قناه القران
قالت امي بس لاتكون سوره البقره بعد
وبعدين قالتلي هذا اكيد انت لما قفلت التلفزيون اول مره ماضغطتي الزر عدل
والتلفزيون عندنا يحتاج تقريبا لثانيتين علشان يشتعل بعد ما اكبس الزر
يعني ممكن اكون كبست الزر مرتين بالغلط و لكن على بال يفتح التلفزيون كنت انا صرت فوق.

بس انا متاكده ان هذا ماصار لاني مثل ماقلتلكم مريت على غرفه اخوي و كلمته طيب كيف ماسمعت صوت التلفزيون اول مره بس سمعته ثاني مره لما رحت اشعل اللمبه رغم اني كنت واقفه بنفس المكان؟
المهم المصيبه الثانيه اني لما رحت علشان اشوف المسلسل الكرتوني الي سجلته امس شفت ان السوره التي كان يقراها الشيخ على التلفزيون هي فعلا البقره مثل ماقالت امي
بناااااااات صدج اني خايفه
ما ادري تتوقعون انه صدفه و اني انا قاعده بس اربط الاحداث و اسوي فيهم فلم هندي؟