اش راح يكون موقفك من زوج كذااااااااااااب

: كل واحده منا تحلم قبل الزواج بشريك حياتها وترسمه في خيالها بأحلى صوره واذا لقت انسان فيه جزء من المواصفات اللي اتمنتها تحس انه هذا هو حلم حياتها فارس احلامها وتعيش الدور معاه وتعطيه كل ماتملك من حب ,, تندفع في حبها له تخاف عليه تغار بجنون ,, تصدقه في كل شي يقوله لها توفي له تخلص في حبها له توهبه نفسها وكل مافيها تعطي بدون حساب ,, تثق فيه ثقه عمياء وواثقه من حبه لها ومقتنعه تماما انه لايمكن يخونها ولا يشوف غيرها ,,,ثقتها صادره من معاملتها له متأكده انها ماقصرت معاه يعني ماله عذر يخون ,,, وهي ماتدري انه الرجال ما يستنى يلقى عذر عشان يخون احلى واروع زوجه ,, حتى وان كان بالقعل يحبها لكن طبيعة الرجال يحبه التنويع في كل شي ,,, حتى بدون ما يعمل حساب لإنسانه وهبت نفسها له ,,, وهي اذ اعرفت بخيانته ممكن تنصدم صدمه تغير مجرى حياتها وتغير الانسانه الرقيقه الناعمه الهادئه الرومنسيه الى انسانه مكتئبه حزينه الدموع ماتفارق عينها تنطفي مثل الشمعه وتذبل مثل الورده وتبقى مكسوره حزينه قلبها محطم فاقده الثقه في كل الناس وحتى في نفسها ,,, وممكن تصير انسانه عدوانيه شرسه يتحول الحب الى كره وينقلب كل شي الى العكس ...
والسيد المحترم يستمر في كذبه لها ومن كذبه لكذبه وماعمره يصدق وحتى ان حلفته ممكن يعصب ويقولها بكل وقاحه ليش ماصرتي تثقي فيا يعني انا كذاب!!!! ( سلامتك من الكذب احد يقدر يقول شي ) :o
وممكن يحلف عادي ولا يعمل حساب لأحد ولا يخاف ربه اللي حلف بيه
لكن تبقى الزوجه المخدوعه عايشه حياة صعبه تموت في اليوم الف مره ... تعيش في ضغط نفسي رهيب تعاني بصمت والم وهو عايش حياته بالطول والعرض ومو مفوت فرصه ولا مخلي على قلبه ,,,,
اللي نفسي اساله لكل الرجال البنت اللي بتخون زوجتك معاها اش فيها شي غير موجود بزوجتك (وترى ممكن تكون زوجته احلى واروع منها الف مره وهو عارف كده ومتأكد بس الشيطان يزينها له ) وكيف تهون عليك زوجتك اللي شاركتك حياتها واعطتك كل شي تبغاه منها وعلى حساب نفسها وراحتها كيف هانت عليك على القل ما حزنت عليها مافكرت فيها ولا لحظه ؟ يريت مره وحده بس يحط الرجل نفسه مكان المرأه ويقول بينه وبين نفسه لو هيا خانتني وكذبة عليا اش حيكون موقفي منها ؟؟؟ طبعا لايمكن يسامحها او يلقالها عذر بحجة انه الرجال غير المرأه واللي يعيبها ما يعيبه نسي انه عند الله الذنب هو الذنب مافي فرق بين رجل وامرأه والا ماكان قال الله سبحانه وتعالى السارق والسارقه الزاني والزانيه ...
وفي بعض منهن اكتشفن خيانة الزوج وكذبه لكن ساكتين وماهم عارفين كيف يتصرفو طبعا السبب يرجع لإنها ما تبغى تخسر بيتها وزوجها وحياتها عشان لحظات ضعف واستهتار وانه كل شي راح يتطربق على راسها بينما هو راح يكمل مشوار حياته عاااااااااااادي ...
فما هي نصيحتكم لزوجه عرفت بخيانة زوجها وماهي عارفه تتصرف ( غير الطنااااااااااش لأنه هذا مو حل ابدا ):(