اش رايكم افرد شعر بنتي عمرها خمس سنوات؟

اختي حندوقه

حرام عليج لاتفردين شعرها من الحين بعدها صغيرة لان الفرد يسوي صلع .......

انا بعد كم يوم بنزل خلطة طبيعيه تنعم الشعر 100% من اول استخدام راح تحصلين فايده

انا بنزلها بعد كم يوم لي ماعرف الوصفة عدل اوكيك


نصيحه مني لاتستعيلين ...........

ياعزيزتي لاتتسرعين ترى شعرها مايتحمل وراسها بعد ترى بنيتك صغيرونه

وحطيلها زيوت تنعم الشعر وتطوله مثل النارجين دفيه شوي وبعدين خليه على شعرها

وعشبة اكليل الجبل اغليها شوي وعقب ما تروشينها اشطفي شعرها فيه ترى معروف يطول

واختي مجربته مع ان شعرها مايطول الا بطلعة الروح

وغير كذا لا تنسين الكثيره زينه للتنعيم

وفي طريقه ثانيه واحده سوتها لبنتها عمرها اربع سنين احاول اجيبها لك باذن الله

ولا تنسينا من دعائك

اهلين حندوقه
نصيحه لا تفردين شعرها... انا اعاني نفس الشي بنتي عمرها سنتين وشعرها خشن بس صار لي شهر وننصف وانا اعتني فيه واحط عليه خلطات وزيوت من المنتدى والحمدلله الحين خف شوي وصار ملمسه حلو وفيه لمعه بس الشغله يبيلها صبر وانا متفائله انه راح ينعم انشاءالله
ونصيحه حطيلها خلطة الاخت كادي نجد (خلطة الخنساء مع اضافه بسيطه بس روعه)
انا احطها على شعر بنتي كل خمس ايام مره تحسن شعرها معها....
وبالنسبه لشعرك لا تفكرين تخصلين بالغجري لاني انا مجربته والله خمس غسلات لشعري وبدى يروووح اللون والافضل لك البلاتيني او البيج :26:

حرام عليك وش تفردينه من الحين !!!! بعد كم سنه بيصير اشد خشونه من كذا .... الفرد مو زين للشعر ويسبب تساقط ..

شوفي قبل تروشين بنتك بساعتين حطي على راسها .... ملعقه زبادي + ملعقه مايونيز + ملعقه حبه سوادء (مطحونه ) + ملعقه زبده سايحه ( الافضل تطلعينها من الفريز بفتره علشان تميع لان لو سيحتيها على النار بتعلق ريحتها بالشعر ) + ملعقه عسل وممكن تستغنين عنها لو كان العسل ما يناسب شعرها ... لان انا ماناسبني ........ ولو كان يناسبها الافضل تحطينه لان العسل ممتاز للشعر ............... وبس مع الاستمرار صدقني بيتغير شعر بنتك .....

وبعد ما تحمم مشطي شعرها وخليها تلبس شئ على راسها علشان ماينفش الشعر ....

بقولك شئ تستخدمه خالتي بس لا تضحكين ..... شراب الاسود الخفيف تقص من طوله وتلبس بنتها الباقي يعني حق القدم وشوي من الساق ...... زي القبعه بيصير وان شاء الله بيتحسن شعرها .....

بس لا تستاثمين فيها وتفردينه ........... ولو نفع معك ابي منك الدعاء فقط ....

عليج بكريم صانسيلك الأحمر ( الحناء) والله روعة بعد الغسل وبكمية والله مايأثر مع التمشيط شوي شوي والله انه نافع لأنه بنات أختي شعرهم مش ناعم والله وأختي مستمرة عليه من 10 سنوات والحين بناتها شعورهن غليظة مع طول وكثافة مع التجديل اليومي وبتشوفين النتيحة:17: