لأني بزور أهلي في ا لعيد بعد غياب 9 أشهر ، فحبيت أقوم بعمل أفرح به قلب أمي اللي تتمنى من صغرنا نتعلم كروشيه
وشفت هذا الباترون عن شال في منتدى آخر ..
لكن اللي صار اني ما خلصت الشال وسافرت عند أهلي واشتريت خيوط صوف للعمل وخلصت الخيوط وما خلص الشال على شكل الباترون ولكن مع ذلك طلع العمل وايد راقي وحلو والأهم انه عجب أمي وانبهروا أخواني لشغلي وما توقعوا اني في خلال أقل من سنة أقوم بهالعمل ...
وهذه الصور بس لأنه من موبايل يمكن مب واضح ...
الخيوط المستخدمة خيوط صوف ألماني والسنارة رقم 6 ونصف ...
انا اخترت اللون البنفسجي المموه مع الكحلي
ولأني اتوهقت بالبكرات اللي خلصت وانا شارتنهم من الكويت ، وحاليا متواجدة في الإمارات ،، ودورت في اماراتي وما حصلت ، وقمت ختمت بكور صوف بس طلع شكلهم حلوين
طبعا مثل ما شايفين بالباترون العمل يتكرر وينتهي بالأناناس ...
وأخيرا هذه الهدية بس ما صورتها وهي مغلفة
قولي رايكم ونقدكم اللي استفيد منه ...