أسمحي لي غباء منك اول مره اشوف حرمه تشري لزوجها سياره وبقيمه بعد اكثر من مهرها
لهالدرجه حبك له معميك
الرجال مالهم امان حبيه بس مو على غباء
ولاتجي بعدين تشكي خان سوا مانفع فيه والله انتي لك عقل ومااحد اجبرك تعطينه

الطلعه تتعوووض ان شاء الله
لكن شخصيتك وهيبتك ان فقدتيها قدامه
مالها عووووض ابد
عوضها اقولك وشش
زوجه ثانيه موظفه مثلك يجيبها على راسك ويقهرك فيها ..
(لاااااسمح الله ) ويكفيك شره
ترااا هذا تفكيره ابو سروال
والدليل اسمعي كلامه كل شوي لك احمدي ربك ماعليك طبينه .شفتيي تفكيرررره محدود ب وش !!!!
اقلك ليه يفكر كذا او صار تفكيره كذا
لانه يحسسب كل الحريم الموظفات كذاااا
مثل النبع فلووس فلووس ماتنتهي ويصير مثل الامير على حسابكم
صدقيني هذا تفكيررررهم الررجاااال ..
استتتتغلال ...
انتي كفي يدك عنه خلاص
قوولي بشتري لي ارض او عماره واجريها واخذي اجاراتها
وعقبها عاد ابسطي عمرك ب ااسفريات والطلعات
يوم تظمنين عمررررك .. شغلي هالمخ الله يعافيك وركززي شوي خلي عنك العواطف والطلعات الان..

الي عليك تطنشينه ولا تعطينه ولا رياااااااااال نهائيا واصرفي علي نفسك وعيالك فقط وسافري وانبسطي وخلي الفلوس لك واذا قال بسافر معكم قولي له حياك بس ادفع تذكرتك وسكنك وشي ثاني البيت مسؤوليته اكل وشرب ومقاضي وكل شي من والي واذا رفض خلي البيت يصفر ولا تقطين فيه ريال

مابزيد عليك بس جد تقهري اعطتيه في البيت والسياره انا عندي ادفع في سفره او تمشيه ولا ادفع في سياره لزوجي لان السياره له اما التمشبه انا بنبسط فيها والسياره اذا طلقك له ع الاقل كان كتبتيها باسمك الله يهديك بس الحين لازم خلاص تمسكي يدك وماتعطيه شي بالذات انه مايستاهل

الله يهديك،،اكبر غلط ان الحرمه تعطي زوجها فلوس صدق صدق اكبر غلط الرجال كلهم ماينعطون وجه بيجي بكرا يفكر ويقول الزواج كذا سهل وراحه ويطق على راسك ثلاث،،حسسيه شوي بالمسؤليه خليه يتعب خليه يتسلف ويذل عمره عشان يعرف يدبر اموره بعدين لانه الرجل ماينعطى وجه ابد ابد والله ان مجتمعي كل الموظفات على روسهم ضره،،والي مو موظفات عايشات احسن من الموظفه ومدلعات سفريات وماديات وهدايا ،،الحين عرفتي خطأك كفي يدك عنه وفلوسك جمعيهم لنفسك منتي ملزومه تصرفينهم حتى على نفسك،،هو ملزوم فيك وفعيالك ولا وشوله يتزوج؟؟