اش سر هالحريم اللي بيوتهم كذا اللي زيهم تفيدنا

السلام عليكم
ومساآكن الله بالخير والسرور
بنات انا لي اسبوع بس افكر فشي معين
ليه بعض البيوت تدخليها تحسين براحه وتحسين فيها كل شي مرتب وتحسين صاحبه البيت وجهها يبشر بالخير مدري في شي غريب امانه احد منكم قد لاحظ
عندي قريبتي كذا الله لا يضرها ويحفظها ماشاء الله تبارك الله
اي وقت تروحين البيت يفتح النفس وهي مرتبه وكذلك الاطفال بيتها ملحق صغير وغرف ضيقه بس كل شي تحطه فيه يهبل وربي اجلس عند الادميه ماخس بالوقت ولا امل سبحان الله كل شي يبهرك عليه لمستها ارتب احسن من ترتيبها بس مايطلع جذاب كذا مدري فهمتوني
انا ي بنات بيتي كبير صح دور بس واسع بس تجننت منه لانظافه تبين فيه ولاعاجبني شي فيه مهما احط واشتري مو حلو مع ان ذوقي حلو حمدلله
بس ماعرف الاشياء الناقصه واللي تخلي شكل البيت انيق
اكرف اكرف فالبيت ليل مع نهار ولايبان فيه شي اشتري تحف شموع ونفس الحاله وربي بس افكر
ومستحيه اسال الحرمه واصلا وش اقول لها
ليش بيتك مريح
اخس بيتي كله طاقه سلبيه وع كثر مانظف يتكركب ويرجع اخس من اول واصير اهمله اقول من زينه عشان ارتبه


اللي عندها شي تفيدني
ابي بيتي انييييق يفتح النفس
ويرتاح كل من يدخله
وابي ريحه معطر مفارش حلو لو سمحتو