اش سويتي يوم عرسك؟

مرحبا حبيبتي ذكرتيني بالايام الخوالي
يالله نبداء انا قمت من النوم الساعه 8 الصباح ورحنا الفندق الساعه11 اخذنا سويت وعلقنا الملابس والفساتين جت الكوافيره الساعه 3ونص صلحت امي حبيبتي وخواتي بداءت فيني بعد المغرب وجو الناس نزلت للزفه الساعه12
ودخلت غرفتي انا وابو الشباب الساعه3
واذاتبين تعرفين العريس وش يسوي ترى لا يغرك عندهم بدكير ومنكير وتنظيف بشره وبخار وجاكوزي ومساج
وفرد وسشوار وجل والخخخخخخ
بس الحمدلله رجلي مايحب الخرابيط بس يحلق ويتروش والحمد لله
طولت عليك حبيبتي ومبروك زواج اخوك مقدما
تحياتي:26: :26:

هلا فيك عطر الحكي
بس ماهو بدري الساعه 8 الصبح قايمه؟؟
و بعدين تروحين الفندق منا لساعه 11 و الكوافيرا ماتيجي الا الساعه 3؟؟
الاقي انه افضل تبقى الواحده ببيت اهلها ترتاح و تسوي ريلاكس خاصه اذا ماعندها شئ تسويه

وبعدين الزفه الساعه 12 :o
و تركتي الساعه 3 :o
يعني كل هذه الحفله بس علشان تقعدي 3 ساعات !!!!
طيب الضيوف اي ساعه يوصلوا القاعه؟؟
غريبه افراحكم :)

بس من جد ترى اتكلم..في شئ العريس لازم يسويه للاهتمام بنفسه ليله الزفاف؟؟

والف شكر لك والله يتمم لاخوي على خير ياااااارب :32:

:27:

باقول لكم بس مو انا هادي بنت عمي اوكي



عاادي اهلها راحوو ورصوا عفشها قبل الزواج بيومين عشان لو في شي ناقص يردون يكملونه

بس ادعولي اتزووج <<< الاخت مرره مستعجله

عاادي قامت الساعه 12 الظهر


تروشت وخلصت وسلمت علينا وطبعا الاخت لا غدا ولاشي


المهم الساعه 4 راحت للكوافير

طلعت من عندها على 10:30

جات وقعدت تتصور مع ابو الشباب

انزفت الساعه 1:30

والساعه 3:30 هي قاعده بالفندق


تبون احكيكم وش يسوي الرجال بيوم عرسه

طيب

هادا ولد عمتي

قبل الزواج بيومين راح يسوي حمام مغربي

وقبل الزواج بيوم راح يحلق وكل شي

ويوم الزواج قام واتغدى ولا اكنه وراه عرس

وراح عمل تنظيف ورجع تروش وراح بعد العشا يستقبل المعازيم

وخلصوا

ااااااااااااااااااه ذكرتيني بالايام الحلوه :23: والا الأن حلوه الحمد الله
ياطويلة العمر انا يوم زواجي مانمت الا الساعه 8الصباح تدرون ليش؟؟؟؟:confused:
طول الوقت ياهو يكلمني يقول نمتي او انا اكلمه اقول نمت:35: المهم في اخر شي نمنا ياحليك اذا كلمني قال لازم تنومي على شان ترتاحين ماتتوتر اعصابك وانا ياعمري مصدقه:08:
الزواج كان في بيت اهلي عائلي قمت من النوم الساعه11الصباح من الأزعاج اللي تحت يااحد طالع والا داخل.:06: من عمال الكوشه للمطعم يصفون الطاولات والا راعي المسجل يراكب الاستريو والسماعات ازعاججججججججججج المهم طار النوم قعدت مع اهلي قاعدين يفطرون وفطرت معهم بعدين قمت تسبحت وزينت اغراضي وانا ازينها مادريت الا الجوال يرن واشوف صار المملوح:arb: قام يسولف قلت اني مشغوله وسكر وقفلت جوالي بعدها على طول المهم طلعت من البيت الا خالتي داخلين بعفوشهم على شانهم جايبن لهم كوافير تزينهم مع خواتي:23:
رحت للمشغل انا واختي الكبيرهللمشغل الساعه2ونص طلعت من عندهم الساعه 8 وصلت البيت لين الدنيا تدحر دخلت المطبخ ابي مويه مادريت الا الصبابات حاجزين المطبخ :06:
رقيت للغرفتي اكمل لبسي علشان انا لبست بس الطرح في المشغل والباقي في بيت اهلي ومنها اودع الغرفه :24: كملت لبسي وقعدت على الكنب اتامر لبسوني جزمتي ماقدرت البسها من الفستان المهم قعدت شوي واشوف الناس رايحين جاين وتخنقني العبره:06: واقعد مناحه انا واختي اللي اصغر مني واااااااا وااااااااااوااااااااااا وتجي خالتي تهاوشنى ولا دريت الا هي ماسكه الخط معنا شوي اختي الثانيه شوي بنات خالتي وشوي جدتتي وشوي اخوي اللي اصغر مني شوي الا امي بكبرها....يوم خلصنا زينت مكياجي بس الحمدالله ماصر له شي لاني حاطه مثبت.....
انزفيت الساعه11ودخل علي المملوح الساعه12وقعدت اصور لين الساعه 2 بعدين رحت لبيتي .......
اما العفش راحت امي واختي الكبيره والشغاله حطو اغراضي ورتبوها.....
اما المملوح يقول احس انه انه مويوم زواجي يقول قمت الساعه12 رحت لولد عمي لعبنا بلاي ستيشن بعدين تغدينا وصليت العصر بعدين رحت للحلاق وقام بشغله من حمام مغربي لين تنظيف حلاقه وغيرها....نص المغرب بعدين رحت للبيت ولبست وقعدت ارقص مع خواتي وامي علشانهم لبسين بيجون عندنا .............
وعلى فكره يوم رحت للبيتي صليت انا وياها بعدين قعدنا شوي بعدين راح علشان يخليني اخذ راحتي والله الولد ماقصر قال اذا خلصتي دقي علي ................وين تتوقعون راح؟؟؟؟؟؟؟؟؟؟
راح لعيال عمه ساكنين نفس الحي يلعب معهم بلاي ستيشن بعدين راح لاهله يشوف وش صار عليه في الزواج ...
وعيال عمه واهله مرتاعين يحسبون فيه شي وسالوه قال هي طاردتني برى البيت تبي تغير ملابسها...:30:
على فكره راح اتم السنه وانا متزوجه......

أول شئ الف مبروك , , أحب اقولك لازم تبدأ التجهيزات قبل يوم الزواج يعني أنا قبل يوم الزواج بيوم شلت جسمي بالحلاوة , واليوم اللي بعدة جات النقاشة وعملت الازم .وكمان قبل الزواج بثلاث ايام رحت للكوافيرة علشان البروفة . ورحت لبيتي ارتب ملابسي , طبعآ يكونون معاكي اخواتك او امك علشان يكوون ملابسك وتنحط في الدولاب مكوية . ويوم الزواج صحيت الساعة 12تقريبآ جابولي غذاء وتغذيت, والعصرية جاست لوحدي لأن كلهم عند الكوافيرة جلست أقرأ قران وأدعي الله انه يوفقني في هذه الليله تصدقون ماكنت خايفة من نفس ليلة الدخلة قد ماكنت خايفة من الزفة قدام الناس بس الحمد لله كنت ادعي اني اكون انسانة عادية جدآ وماني خايفة سواء من الزفة أو من الدخلة , وكل وحدة تجي تسلم عليه تقولي كم كلمة ماكنت فهماها في ذاك الوقت مثلا اللي تقولي قوي قلبك واللي تقولي حتاخذي اللسعة اليوم واللي تقولي ماتعيطيش بس أحس انه الحمد لله الله استجاب لدعائي في ذاك اليوم يعني طول مانتي جالسة ادعي انك تكوني عادية وماتخافي المهم واذن المغرب وصليت وبعدين اخذت دش خفيف ورحت للكوافيرة وخرجت من عندها غير الساعه 12 وانزفيت الساعة 1 واطلعت لعريس الغفلة الساعة :time:2 ورحنا البيت وجلسنا في الصالة لقيته محضر لي العصير والمعمول والذي منه بصراحة كنت جوعانة جوع في ذاك اليوم بس للاسف ماخلاني اكمل المعموله حقتي ؟؟؟؟؟؟؟؟ أول مرة أحد يشيلني في حياتي ؟؟؟؟؟؟؟؟؟؟؟؟؟؟:32:وأرجع وأقولك ولجميع من هم مقبلات على دخول القفص الذهبي الف مليون مبروك