اش شعووورك؟؟؟

اذا كنتي فقدتي شخص عزيز عليج وقريب منج

قطي همج هني وخل نتشارك الهموم

موضوع وحدة من البنات تتكلم فيه عن جانب شخصياتنا اكتشفت من خلال بعض الردود ان ردة الفعل تقريبا متشابه خاصة للي فقدت ابوها او امها :(
مثلا انا فقدت ابوي الله يرحمه وحسيت بفرااغ كبير
إحيانا احسه موجود بينا واقول ليش يقولون انه توفى واحيانا يتراوالي لو ادخل غرفته بلقاه بفراشه يتعشى ومثل العادة يقول لي بسم الله وارد عليه بالعافية يبا سبقتك 
الى الان مو مصدقه انه مات..
احيان اقول ممكن دفناه حي... والدكتور غلط... لانه ماشفته وهو متكفن ماقدرت.. 
احاسيس متفاوته بين القبول برحيل هالشخص وبين تكذيبنا للواقع
اتمنى القى ردود خاصة من اللي مروو بنفس الظروف
مين الغالي اللي فقدتيه وكم كان عمرج وقتها؟؟ 
وشنو ردة فعلج وهل قدرتي تقومين من هالتجربة نفس قبل ؟
واش تعملي لمن تحسين بشووق وتجيك الذكريات للشخص الراحل..
 دعواتكم للوالد بالمغفره والرحمه ويجعل روحه في عليين..