اش كثر قعدة احن ...

السلام عليكم بنات...
ابي رايكم بصراحة انا غلطت؟
انا مخطوبة من ثلاثة اشهر وخطيبي بعد الخطبة باسبوع سافر ليش انه يشتغل بالدوحة ومابيرجع الا علي مواعيد العرس...
المهم بنسولف بالتلفون واحيانا بالشات بس مشكلتي معاه انه دايم مشغول بيقول بلاقيكي الساعة سبع ع الشات مابيجي الا بعد ال 11 بيقول بشوفك بكرا كمان يتاخر لنص الليل ومايعتزر :44: لما يلاقني زعلت يقوم يعتزر ويقول والله مشغول وقدري ظرفي وكل مرة اقوله اذا بتتاخر كلمني قول انك بتتاخر لا تتركني منتظرة وما ادري وش الي صاير فيك
بس كل مرة تصير نفس القصة والله بنات ملييييييت حسيت حالي قعدة احن :angry: كل يوم نحكي بنفس السالفة ومانوصل حق حل ...
مرات كثييييير ينسى تلفونه بالبيت ويطلع الشغل انا ادق عليه مايرد ويرجع من الشغل ينام عادي واذا صحى بالليل يدق علي واذا ماصحى يقوم تاني ويروح الشغل عادي :( ...
الحين صرت احس اني قاعدة افرض نفسي عليه وانه مايهتم اخر شي امس تهاوشنا بسبة نفس الموضوع ابو الشباب ناسي تلفونه بالبيت وراح الشغل ولما رد نام ولما صحى طلع مع ربعه ومادق علي دزيت مسج بعدين اتصل يعني اذا مادزيت مسج ماكان رح يتصل لين باكر بالاخر حسيت اني ما احس بشي تجاه لا حب ولا خرابيط قمت قتله خلص انا اسفة الغلطة غلطتي ما اقدر احاسبك علي شي انت ماسويته وقفلنا الموضوع وهو يظن اني صالحته ليش انه قال قولي الي تبينه وانا اسويه لك بس بيني وبين نفسي كنت خلص ما رح اسال عنه مرة ثانية ويسوي الي يبيه يدق علي او مايدق علي يتذكرني او ينساني ماعاد يفرق معي ومارح ادق عليه ابد ...
ما احب اتسلط عليه ...