اصابني فتور في العباده وتقصير كبير في الصلاه انقذووووني

السلام عليكم ورحمة الله وبركاته

انا سجلت يا اعضاء حواء مخصوص ودي بأنسانه حكيمه ترشدني
وش اسوي بهالمصيبه اللي من صارتلي وحياتي معفووسه مقلوبه
كياني كله مقلوب وعيشتي كلها هم وكدر وضيق
انا انسانه لما كنت صغيره كنت مطنشه الصلاه ماكنت متعوده عليها صراحه
ولما كبرت سافرت مكه واعتمرت وكانت اجمل سفره في حياتي كلها
ومن بعدها عاهدت نفسي على اني ما اترك الصلاه ابداً
وفعلاً التزمت 3 سنوات بصلاتي وكانت حياتي سعيده جداً جداً
كنت مرتاحة البال راضيه هنيه
وكمان كان منعم علي الله بنعمه جميله ان معظم احلامي
تكون بسيطه وواضحه وتتحقق ومعظهمها خير وبشرى !
وحلمت بسيد الخلق محمد عليه وعلى اله افضل الصلاة والتسليم
وكنت اطمع ازيد في عبادتي واصير احافظ على النوافل واحفظ القران
لكن يا بنات فجأه وبيوم وليله انقلبت حياتي صرت اتهاون بالصلاه واجمعها كلها
بسبب ان نظام نومي انعفس فصرت اصحى اجمعهم وهكذا الين صرت اتكيسل
انا ماتركت الصلاه نهائياً لكن مقصره مررررررررررررره فيها مرررره

والله احس بكآبه عجيبه جربت حتى اني اقفل جوالي وكل شي يلهيني لكن كأن احد يخدرني
ولا ينومني !
ماهي انا ابببببببد
وربي كل ماتذكر لحظات السعاده لما كنت احافظ على الصلاه واحافظ على الطاعات والعباده
احتقر نفسي بهالفتره مررره واحس نفسي انسانه ماتسوى شي حتى مالي وجه استغفر
ولا اقول شي

الصلاه اهم شي بالحياه الله يشهد على كلامي ماحسيت بقيمة حياتي الا لما حافظت عليها
لكن الحين قاعد احاول ارجع زي قبل ماني قادره ..

تكفون احد يدلني على الحل
مابي وحده تهزأني انا عارفه انه غلط كبير وان صلاتي اساس ديني
ابي وحده حكيمه تقولي وش اسوي بمصيبتي ..
اللي يخسر ربه يخسر كل شي بدنيته :(

وش اسوي تكفون طلبتكم كل من تقرا الموضوع تساعدني والله اني بهم ربي وحده اعلم فيه