اصارحها بعيوب أخوي عشان اواسيها ؟

مرحبا بنات
عندي صديقة تجنن من كل النواحي ولأني قد اثنيت عليها قال اخوي اخطبيها لي رغم انها اكبر منه بكم سنة !! قلت مب قابلة فيك لأنك ماتصلي وسيئاته كثييييرة والله.
خطبناها وعلمناها بسيئاته كلها وقبلوا فيه رغم ان كله عيوب والله مافيه أي ميزة لا خلق ولا دين ولا مادة ولا شيء حتى لو كان أخوي وأحبه بس أعترف هذه الحقيقة !
وصديقتي كاملة جمال اصل فصل شبعانة متواضعة ثقيلة خلوقة المهم شافها نظرة شرعية وانهبل عليها تهبل ثم من بكرة رفضها يقول اكبر مني وش ناقصني آخذ أكبر مني !! 🙂
والله إنها كثيرة عليه وانا حزينة انه هو اللي رفضها رغم انها تنازلت ووافقت عليه ليتها هي اللي رفضته ..
وش رايكم ودي اكلمها وأواسيها وأبين لها ان ربي يحبك واخوي عشرته صعبة مررة ..
عطوني أفكار او اسلوب أخليها تحمد ربها انه مب نصيبها وشلون أخفف شعورها تكفون هي تجنن وطيبة وحزينة أنا لحزنها مررررة من أمس أصيح من القهر عليها 💔