اصبري - اصبري

اصبري_ اصبري) .... اخر كلمات امي لي لمن قررت اتكلم معها عن زوجي..
انا متزوجه للمره الثانية ..لكن طبعا بثمنها فانا متزوجه من مطلق لديه طفلتين ..
من الساعة الي تزوجه فيها وحتى اليوم وانا افكر اتطلق منه ...ما قدرت اتقبله او اتقبل انانيته انه طول الوقت برى ومع اصدقائة وتارك علي كل شيء ..
قسم بالله وبدون مبالغة افكر بالطلاق في كل مشكله بينا حتى لو بس صغير ...طبعا افكر بالطلاق بيني وبين نفسي
واني صرت افكر بكل تفاصيلها واتخيل المشهد ..
لا احد يقولي تفكري بالطلاق علشان بس يسمر كل الرجال يسمرون ويطلعون مع اصدقائهم ....لا لا ...زوحي كثير السفر طبها داخل السعودية علشان المخالفات ..وفي كل مرخ يا الله روحي عند اهلك حتى ساعات صرت اشك من كثير ما يبغى يتحمل المسروليه يقول روحي لبيت اهلك انا مسافر وهو مو مسافر...حتى مره جلست عند اهلي شهر وكل يوم يجيب عذر وفي النهاية طلع ما عنده فلوس يسرف ع البيت ..طيب تسلف او بدل فلوس الدخات خلها ع البيت ..زوجي المشؤوليه صفر عنده واحنا اخر اهتمامته ..وفوق كذا متسلط ..من تكلمين من تراسلين ..ممنوع تقابلين صديقاتك في مطعم او مقهى وهذا الشيء كان عادي عند اهلي ...لا تروحين السوق لوحدك خذي احد من اليعال معك حتى لو بقاله .. لا تشترين شيء الا واعطيتيني خبر ..حتى زعل اني لمن كنت عند اهلي لمن كان مسافر ليش تعطيك اخوك فلوس يشتري لك جوال ..ولمن اكون عند اهلي لا تطلعين معهم ولا تروحين ...
لا احد يقول قولي لا واجلسي في بيتك اذا اجبرك تروحين عند اهلك ..وربي وصلتها للطلاق ..وجلس يقول علي الطلاق اذا ما رتبتي شنطتك انك ما تحلين لي ...
اقولكم شيء بالاختصار ..زوجي ينفع له زواج مسيار مو بيت وحياة زوجيه ..ويعصب من كل شيء علشان ياخذها عذر ويطلع ..ولو طلبته قال لا واذا طلبوه اصحابة ابشر ومن عيوني ..
وانا من شدت اهماله صرت احس انه تزوجني جليسة لاطفاله لا اكثر ولا اقل ..
ما انلام قسم لمن افكر بالطلاق ..وحيت افاتح امي لعنتني قال اصبري وتحملي الحريم كلهم صابرين ..والرجال محد يقدر يربطهم بالبيت ...يا ناس ما ابغى اربطه ولا ابغاه يجلس علشاني يجلس علشان عياله ..
ومسكته وفتحت معه الموضوع الاف المرات وبكل الطرق ....وما نفع هو نفسه
انا ابغى حياتي الزوجيه ابغاها ساعدوني كيف ابعد فكرة الطلاق الي تجيني في كل لحظه بسببه والي امسك نفسي عند اللحظه الاخيرة ..
لي معه سنتين وعندي منه ولد .