كيف الحال ياحلوين عساكم طيبين
أسأل الله أن يبلغنا رمضان ونحن في أحسن حال ويرزقنا صيامه وقيامه ويجعلنا فيه من المقبولين
ويسلمنا له ويسلمه لنا ويتسلمه منا بالمغفره والرحمه والعتق من النيران << قولوا آمين
تفضلن إقلطن زارتنا البركه البيت بيتكم
وهاذي القهوه
وهذا القدوع
واللي ماتاكل تمر تتفضل
8
8
8
الموهم يابنات انا فتحت هالموضوع لان المشاكل كثرت
هذي تطلقت وهذي عنست وهذي تأذت من زوجها وهذي مايجيها ضنا وهذي حسروا فيها أهلها وإخوانها
وهذي عندها مشاكل نفسيه وهذي عندها مشاكل عضويه وهذي عجزت تحرر من ظلم الاقارب وهذي وكلت حقوقها.....إلخ
8
8
وبصراحه المشاكل كثيره خاصه عند الأنثى لأنها في كثير من الأحيان ماتقدر تاخذ حقها بسهوله
بس بكل شي يصير لنا ماندري وين الخير فيه
وأكيد الله دائما وأبدا مايختار إلا الخير
حتى لو كان هالشي اللي يحصل لك تشوفينه شر بس فالأخير هو الخير واختاره الله لك لحكمه يعلمها وتجهلينها
8
تصدقون يابنات كل مره نتنرفز ونتأذى من شر أصابنا
وهو خير لنا وتمحيص لذنوبنا
وأحيانا هذا الشي اللي مانبيه يسوقنا لخير ماكنا نتوقعه
نبي تجاربكم في المصايب اللي ساقت لخير
وهذا من باب التفاؤل أكثر بالقدر
أعطيكم مثال << مثلا وحده زوجوها أهلها بالغصب من واحد ماتبيه
وصبرت وفي الأخير جاها النصر وصار زواجها من هالانسان خيره وصارت تقول ليتني مقدمه :icon28:
او وحده مثلا تطلقت واوذوها الناس وجلست سنين وصبرت ووكلت امرها للي خلقها وفي الاخير تزوجت انسان قمه في الاخلاق وارتاحت معه وعرفت ان الله اراد لها الخير يوم تطلقت من زوجها الاول المدمن او النكدي او اللي مايصلي او او او ...الخ:26:
يعني نبي اشياء كرهتيها وفي الاخير عرفتي انها خير لك والله لايقسم لك الا الخير
( فعسى أن تكرهوا شيئاً ويجعل الله فيه خيراً كثيراً )
نبي جرعات من التفائل والامل نبي اشياء صبرتي على مرارتها وفي الاخير ظفرتي بحلاوتها ... وشيء عضيتي فيه اصابع الندم وفي الأخير صبرتي وجاء الفرج
8
8
نبي تجاربكم في الحياة: زواج/ طلاق / عنوسه / وفاة قريب/ عدم التوفيق في اختيار التخصص / عدم التوفيق في اختيار الزوج/ حرمان من الذريّه/ ترك الدراسه / عدم وجود وظيفه / استقاله من العمل / اذيّة أقارب / عداوة زوجة اب او زوجة اخ او شخص اخر...
خبرونا خلونا نفضفض لبعضنا...
8
انا ويعلم الله بمشاكلي ومن أقرب قريب غير متزوجه وتعرفون نظرة الناس للغير متزوجه غير موظفه الدعم المادي والمعنوي قليل بس احاول اتصبّر لعل وعسى تنفتح لي نافذة أمل ويكون هالحرمان خير لي ومحو لذنوبي...
حاولو تذكرون تجاربكم او تجارب اقاربكم نبي نتشارك ونعرف ان الكل عنده هموم نبي نصبر اكثر نبي نعيش على شيء من الامل والتفاءل.......
8
8
انطــــــــــلاااااق:26: