اصبر ولا اطلق زوجي ساعدوني مو قادرة اقرر

السلام عليكم
انا متزوجة من ٣ سنين و عندي بنت سنتين و حالتي المادية صفر ساكنين عند اهلي لان بيتهم كبير و اهله في بلد ثاني و هو على قد حاله انا راضية اقول ممكن تتحسن مع الوقت
المشكلة ان زوجي دايم يسبب لنا مشاكل مو طبيعيه مرة جانا شارب حبوب و دايخ عالجنا الموضوع و سامحناه و كل مرة عامل حادث بسيارة ابوي لاني اعرف انه متهور في السواقة سامحناه مرتين القا في جيبوا مخدرات يقول مو حقة حق صاحبه معاه فالدوام و حلف بالقرآن و انا عمري ما شفته مخدر او شي يعني طبيعي و اخر مرة يلقا احد صاف مكانه قدام باب البيت عصب و كسر مرايت السيارة و جات الشرطة و صارت سالفة و اهلي مررررة خلاص ما عاد يستحملوه
هو كل مرة يوعدني انو بيتغير و يمكن مسحور او فيه شيء مدري على حسب كلامه يقول انه ما عنده حظ فالشغل و ما يصرف لان ما عنده فلوس
انا بصراحة تعبت من مشاكله ما تخلص و اهلي خلاص مو قادرين يصبروا عليه
المشكلة ابغا اخد قرار الطلاق بس والله قلبي يوجعني على بنتي ما ابغى تعيش و احنا منفصلين و انا احبه بس تعبت من مشاكله
ساعدوني ايش اقرر ولا ايش اسوي خايفه اخد قرار غلط
و لو طلقته كيف بعيش انا راتبي ضع