اصحاب الحكمة والاراء الراجحه يدخلو ويساعدوني بخبرتهم ..

ربنا\يوفقك

استخيري الله كثير

وبالنسبه ليا لو انا منك مستحيل اتزوج واحد متزوج

لانه انا عارفه انه لايمكن زوجته الاولى ترتاح ولا يمكن انا ارتاح مدري شعور داخلي فيا ... ماقدر احضن احد امس كان بحضن وحده غيري ...

الشي الثاني ماتدري يمكن قالولك انها موافقه وهيا ماهي موافقه او مغصوبه او ساكته عشان اطفالها
يعني هيا اتزوجته وآمنت على نفسها معاه وبعد طفلين .. يادوب طفلين يعني مو درزن قلها ابتزوج ..

قد ايش تلقيها مجروحه . والله يعين زوجات اللي يعددو ... احس مايهتمو ابدا بمشاعر زوجاتهم
لاحول ولا قوة الا بالله

وانا عن نفسي دايما ادعي واقول اللهم لاتفتني في ديني ..

اذا كانت عائشه بنت الرسول ... الرسول رفض ان علي يتزوج عليها خيفة انها تفتن في دينها ايش حال انا ..

عموما ياقمر .. اللي ربي كاتبه بيصير ومو آخر رجال عالكره الارضيه .. وشي لفت انتباهي .. يبغا ياخذك معاه بالدوره ويتركها .... اي عدل هذا ؟!؟

غريب الصراحه ،،، المفروض ياخدها هي اللي صبرت معاه ويونسها بدل .. اول ماتجيه الفرصه يتزوج وياخذ غيرها

وياقمر كلامي مو قاسي ولا نيتي اني اضايقك .. لكن ابغاكي تفكري .. ودام انك خايفه تتزوجي من متزوج .. ففكري كثير ولو لفيتي عالمواضيع تلقي كثير زوجات ثانيات ازواجهم هملوهم ورجعو للأولى بعد اول ٦ شهور ..

ويعتبرها نزوه

وتلقي اللي عمرت مع زوجها بس مشاكل وغيره وعدل ومدري ايش

.......................

وثانيا لاتيأسي من رحمة الله ... مع الدعاء وقيام الليل يجيكي اللي تبغيه من نصيبك ...

وربنا يوفقك

أنا أختي زوجه ثانية ودايما تقول الزوجه الثانيه لااااازم تشرط بيت مستقل وعند أهلها لأن زوجها بيصير مشغول بزوجته وعياله فهي تحتاج لأهلها وبعد تشرط أنهم مايجتمعون بالعزايم هي وضرتها والأفضل مايشوفن بعض أبدااااااا والله يكتب لك الخير والصلاح

انا مع اختي احلى صبيه وفعلا لفت نظري انه بياخذك معه للبعثه يعني بيهجر زوجته كم سنه !!! هذي من اولها بتحقد عليك وبتكرهك استخيري وربي يقدم اللي فيه خير

لا يشترط رضا الزوجة الأولى فهذا الشرع قال تعالى (فانكحوا ما طاب لكم من النساء مثنى وثلاث ورباع )
ان كان فيه تكافؤ وقبل ذلك رجل ذو دين وخلق استخيري ولا تسألي عن رضا زوجته فطبيعي ان ترفض اي زوجة زواج زوجها عليها ونادرا ما نجد الزوجات لرجل واحد وخاصة في زماننا هذا متحابات
اما زوجته الاولى لو كانت البعثة تناسبها بإكمال دراستها ما اختار غيرها والعلم عند الله ولربما هي رافضة الاغتراب
املي شروطك كتابة وليس شفهيا واهم شيء البيت المستقل والبعيد عن الأولى منعا للإحتكاك واكمال دراستك شرط ضروري

انت مطلقة وبدون اطفال وفرصتك بغير المتزوج قليلة الا ما شاء الله لا تفوتي الفرصة