اصحاب العقول الراجحه --- انا في حيره --اشيرو علي

السلام عليكم ورحمة الله وبركاته

خواتي الغاليات حوائيات يا مربيات

ابكتب على طول وبختصار لاني كتبت كلام وش طوله ونمسح :icon33:

المهم يا خواتي

وش رايكم بالبيت الي فيه شغاله وفيه بنات كبار

هل ياثر هذا على مستقبلهن بان تكون البنت ما تعرف في امور بيتها شي وتتعب على طول ولا تعرف تحافظ على اشياء وكيف تهتم في نظافت بيتها ويقولون ان الرجال الحين تغيرو ما يهمهم شي اذا حبها

اما نه راح تفنن لانه ما تعبت في بيت اهلنا على ما قالو يعني ماله في بيت اهلها وتكون تحب تكسب قلب بزوجها بطبخها ونظافت بيتها
اختصار

انا الحين رايحه شغالتي
وعندي اربع بنات اصغرهن طالعه لثالث متوسط ان شالله والكبيره بالثاني جامعه
ومره اقول بقدم لشغاله ارتاح فيني ضغط والتعب على طول وبيتنا كبير واسرتي كبيره الله يحفظهم ومالي اشغل نفسي وبناتي واشغلهن بنفسيتي وهواشي
ومره اقول خلي بناتي يشتغلن خليهن يتدربن على الشغل ما يضرهن -- الضعيفات ما يقصرن بس انا ابي كلش زين ولا اصبر
وغيركذا احب الي يجي لبيت واكون مضياف واحب ايضا انفه عن نفسي

--------------------
وش رايكم يا خواتي يا حبيلكن
اخاف اجني على بناتي كذا ولا كذا
يعني اذا اشتغلن رحمتهن وحسيت اني ضالمتهن بشغل زايد عن حده كالتنظيف والمسح باتقان واقول وش ذنبهن كل الي بعمارهن عندهن شغالات ومرتاحت حتى الي ما عندها شغاله تلقين امها هي الي تكرف وانا مالي بالشغل مررره التعب جهدي رااااح الله بس يقوين ويعافين
يا خواتي وش نظريتكم تكفووووووووون


هن بناتي يعرفن يطبخن وغرفهن ما تدخلها الشغاله خاصه الكبار ويهتمن بملابسهن ايضا واشوفهن الصدق احسن من البنات الي ما عند اهلن شغالات يعني يقومن ويساعدن الواحد باختصار مو عجازات الله يصلحهن

اشيرو علي يا صحابات العقول النيره واراحجه

الله لا يحرم كل وحده ترد على الجنه ويرزقها ماتتمنى






الله يرحم حالنا كرفنا وحنا صغار وكبر الكرف معنا ولا ارتحنا وخنا كبار